تاثیر 20 فروری ۲۰۲۶:- ایس -ایم- حسن
نئی دہلی، 20 فروری :۔دہلی ہائی کورٹ کے جسٹس منوج جین کی بنچ نے آشیش کو ضمانت دے دی، ڈرائیور پر 10 اگست 2025 کو چانکیہ پوری میں دو لوگوں کو تیز رفتار تھار سے کچل کر ہلاک کرنے کا الزام ہے۔ عدالت نے نوٹ کیا کہ ملزم ابھی کم عمر ہے اور اس کیس میں چارج شیٹ پہلے ہی دائر کی جا چکی ہے۔ ٹرائل کورٹ 8 اپریل کو چارج شیٹ کی سماعت کرے گی۔
عدالت نے کہا کہ ملزم کی کوئی سابقہ مجرمانہ تاریخ نہیں ہے اس لیے اسے حراست میں نہیں لیا جا سکتا۔ عدالت نے آشیش کو 25000 روپے کے مچلکے پر ضمانت دے دی۔
درحقیقت 10 اگست 2025 کی صبح ایک تیز رفتار سفید تھر نے فٹ پاتھ پر چل رہے دو راہگیروں کو کچل دیاتھا۔ تھار کی رفتار اتنی زیادہ تھی کہ انہیں کچھ دور تک گھسیٹتی رہی۔ حادثے میں گاڑی کا ایک اگلا پہیہ بھی پھٹ گیا۔ آشیش کو موقع پر گرفتار کر لیا گیا۔ پوچھ گچھ کے دوران اس نے پولیس کو بتایا کہ اسے نیند آگئی تھی جس کی وجہ سے یہ حادثہ پیش آیا۔