تاثیر 20 فروری ۲۰۲۶:- ایس -ایم- حسن
بنکاک، 20 فروری: انڈیا اے ویمن کرکٹ ٹیم نے اے سی سی ویمنز ایشیا کپ رائزنگ اسٹارز کے سیمی فائنل میں سری لنکا اے ویمن کرکٹ ٹیم کو پانچ وکٹوں سے شکست دے کر فائنل میں جگہ بنالی۔ یہ میچ بنکاک کے ٹرڈتھائی کرکٹ گراؤنڈ میں کھیلا گیا۔ بھارت کا مقابلہ اب 22 فروری کو بنگلہ دیش اے اور پاکستان اے کے درمیان ہونے والے دوسرے سیمی فائنل کے فاتح سے ہوگا۔
کپتان رادھا یادیو نے اپنی شاندار آل راؤنڈ کارکردگی کے لیے پلیئر آف دی میچ کا ایوارڈ حاصل کیا۔ اس نے 19 رنز کے عوض چار وکٹیں حاصل کیں اور پھر ہدف کا تعاقب کرتے ہوئے 18 گیندوں پر ناقابل شکست 31 رنز بنا کر ٹیم کو فتح سے ہمکنار کیا۔ پہلے بیٹنگ کرتے ہوئے سری لنکا اے کی ٹیم 118 رنز بنا کر آؤٹ ہوگئی۔ رادھا کے علاوہ تنوجا کنور اور پریما راوت نے رن ریٹ پر قابو پانے کے لیے دو دو وکٹیں حاصل کیں۔جواب میں وریندا دنیش نے 20 گیندوں پر 42 رنز بنا کر بھارت کو مضبوط آغاز فراہم کیا۔ درمیان میں چند وکٹیں گرنے کے باوجود رادھا کی جارحانہ اننگز نے ٹیم کو فتح تک پہنچا دیا۔