تاثیر 26 فروری ۲۰۲۶:- ایس -ایم- حسن
نئی دہلی، 26 فروری : ہندوستانی انڈر 20 خواتین کی فٹ بال ٹیم نے بدھ کی رات سویڈن کے لیڈنگو میں بوسن نیشنل اسپورٹس سنٹر میں کھیلے گئے پریکٹس میچ میں سویڈش کلب اینسکیڈے آئی کے ڈیم کے ساتھ 1-1 سے ڈرا کھیلا۔
سبانی دیوی نونگمیکاپم نے 44ویں منٹ میں ہندوستان کو برتری دلائی۔ تاہم میچ کے آخری لمحات میں اینسکیڈے آئی کے ڈیم نے 88ویں منٹ میں گول کر کے اسکور 1-1 کر دیا۔
انڈیا انڈر 20 کے ہیڈ کوچ جواکم الیگزینڈرسن نے پچھلے میچ کے مقابلے ابتدائی گیارہ میں آٹھ تبدیلیاں کی ہیں۔ ہندوستانی ٹیم نے اپنے پچھلے میچ میں ٹیبے ایف کے کو 0-4 سے شکست دی تھی، جبکہ اس سے پہلے اسے ہیمر بائی آئی ایف کے خلاف 6-0 سے شکست کا سامنا کرنا پڑا تھا۔
ینگ ٹائیگریسس اب 28 فروری کو سویڈش کلب کارلبرگس بی کے کے خلاف ایک اور پریکٹس میچ کھیلیں گے۔ یہ دورہ اس سال تھائی لینڈ میں منعقد ہونے والے اے ایف سی انڈر 20 ویمنز ایشین کپ کے لیے ان کی تیاریوں کا حصہ ہے۔
انڈیا انڈر 20 خواتین ٹیم: مونالیشا دیوی موئرنگتھم (گول کیپر)، نشیما کماری (ریمی تھوکھاچوم، 60 ویں منٹ)، تھونبیسانا چانو توئیجم، سنڈی ریمروتپوئی کولنی، شوبھنگی سنگھ، پوجا، انجو چانو کینپائیبام (60 ویں منٹ) لنگڈیکم، سلنجنا رول، سبانی دیوی نونگمیکاپم (نیہا، 60ویں منٹ)، ببیتا کماری (دیپیکا پال، 46ویں منٹ، شیلجی شاجی، 88ویں منٹ)۔