تاثیر 16 فروری ۲۰۲۶:- ایس -ایم- حسن
نئی دہلی، 16 فروری : کامرس اور صنعت اور انفارمیشن ٹیکنالوجی کے وزیر مملکت جتن پرساد نے پیر کو آئرلینڈ کے وزیر برائے عوامی اخراجات اور ڈیجیٹلائزیشن جیک چیمبرس سے ملاقات کی، جو یہاںاے آئی امپیکٹ سمٹ میں شرکت کے لیے آئے تھے۔ دونوں رہنماؤں کے درمیان دو طرفہ ملاقات میں ڈیجیٹل پبلک انفراسٹرکچر، اصلاحات پر مبنی گورننس، ابھرتی ہوئی ٹیکنالوجیز اور سرمایہ کاری کے تعلقات کو مضبوط بنانے پر تبادلہ خیال کیا گیا۔
جیتن پرساد نے ایک ایکس پوسٹ میں کہا کہ قابل بھروسہ ٹیکنالوجی، لچکدار سپلائی چینز، اور اختراع پر مبنی ترقی پر ہندوستان کی توجہ ہندوستان اور آئرلینڈ کے درمیان تعاون کے بے پناہ امکانات پیش کرتی ہے۔ انہوں نے ملاقات کو نتیجہ خیز قرار دیتے ہوئے کہا کہ دونوں ممالک کے درمیان ڈیجیٹلائزیشن اور سرمایہ کاری کے شعبوں میں شراکت داری کو مزید وسعت دی جائے گی۔