تاثیر 5 فروری ۲۰۲۶:- ایس -ایم- حسن
پٹنہ، 5 فروری : بہار اسمبلی میں جمعرات کے روز گورنر کے خطاب پر شکریہ کی تجویز کے دوران وزیر اعلیٰ نتیش کمار نے اپوزیشن لیڈر تیجسوی یادو کو آڑے ہاتھوں لیا۔ان کے بولنے کے دوران اپوزیشن کے بار بار ٹوکنے پر نتیش کما رنے تیجسوی یادو کو کہا ،’’ ارے تم بچہ ہے ۔ تمہارا باپ میرے وقت کا ہے ۔بیٹھو بیٹھو ۔ ارے اس کی شادی بھی بعد میں ہوئی تھی ۔ چلو بیٹھو ہلا مت کرو ۔‘‘
بات چیت کے دوران وزیر اعلی نے تیجسوی یادو کی طرف اشارہ کرتے ہوئے کہا، “ہم نے انہیں ایک موقع دیا، وہ اس وقت گڑبڑ نہیں کر رہے تھے، لیکن انہوں نے پیسہ کمانا شروع کیا”۔ انہوں نے 2024 اور 2025 کے بجٹ میں بہار کے لیے کیے گئے اعلانات کا ذکر کیا اور کہا کہ ہم اس کے لیے وزیر اعظم مودی کو سلام کرتے ہیں۔ جب تیجسوی یادو نے روکا تو نتیش کمار نے جواب دیا، “تم ابھی بچے ہو، تمہارے والد میرے ساتھ کام کرتے تھے۔” نتیش کمار نے اپوزیشن کی طرف اشارہ کرتے ہوئے کہا کہ اگر ہم کام کریں گے تو سب کو فائدہ ہوگا، کیا آپ کو فائدہ نہیں ہوگا؟ وزیراعلیٰ نے درخواست کی کہ شکریہ کی تجویز اسمبلی میں منظور کیا جائے۔ گورنر کے خطاب پر شکریہ کی تحریک اسمبلی سے منظور کر لی گئی ہے۔