تاثیر 6 فروری ۲۰۲۶:- ایس -ایم- حسن
کوئٹہ، 06 فروری :۔ بلوچستان کی آزادی کے لیے جدوجہد کرنے والی بلوچستان لبریشن آرمی (بی ایل اے) کی مہم سے تلملائی پاکستان کی فوج دارالحکومت کوئٹہ کے مختلف علاقوں سے 100 سے زیادہ لوگوں کو اٹھا لے گئی ہے۔ ان سبھی کو گھروں سے اغوا کیا گیا ہے۔
دی بلوچستان پوسٹ کی رپورٹ کے مطابق، صوبائی حکومت نے دعویٰ کیا ہے کہ فوج نے 100 مشتبہ افراد کو گرفتار کیا ہے اور کئی گھروں سے چھوٹے بڑے ہتھیار برآمد کیے ہیں۔ حالانکہ، صوبائی حکومت نے میڈیا کو کوئی ثبوت نہیں دیا۔ صوبائی حکومت نے دعویٰ کیا کہ بلوچستان میں صورتحال کنٹرول میں ہے۔ حالانکہ، نوشکی سمیت کئی علاقوں میں صورتحال کشیدہ بنی ہوئی ہے اور مواصلاتی نظام بند ہے۔
یہ قابل ذکر ہے کہ 31 جنوری کو بلوچستان کے کوئٹہ، گوادر، پسنی، دالبندین، خاران اور نوشکی سمیت 12 شہروں میں بی ایل اے نے فوجی تنصیبات کو نشانہ بنا کر حملے کیے۔ رپورٹ کے مطابق کوئٹہ سے اٹھائے گئے لوگوں میں 25 سالہ اسد اللہ بھی شامل ہے۔ ظفر اللہ کرد کا بیٹا اسد اللہ بلوچستان یونیورسٹی میں بی ایس سی کا طالب علم ہے۔ خاندانی ذرائع کے مطابق، اسد اللہ کو بدھ اور جمعرات کی درمیانی شب کوئٹہ کے بروری روڈ سے اغوا کیا گیا۔
اس درمیان، ہتھیار بند لوگوں نے خضدار ضلع کی تحصیل نال پولیس چوکی پر قبضہ کر لیا اور وہاں موجود اہلکاروں کو حراست میں لے لیا۔ مسلح لوگوں نے پولیس کے اسلحے چھین لیے اور گاڑیوں کو جلا دیا۔ اس واقعے کی ذمہ داری ابھی تک کسی بھی گروپ نے نہیں لی ہے۔