تاثیر 12 فروری ۲۰۲۶:- ایس -ایم- حسن
بھوپال، 12 فروری : مدھیہ پردیش کے وزیر اعلیٰ ڈاکٹر موہن یادو نے کہا کہ وزیر اعظم مودی کی پہل پر ریاست میں اب تمام دفاتر اور اسکولوں میں قومی ترانے سے پہلے وندے ماترم کے چھ اشعار گائے جائیں گے۔وزیر اعلیٰ ڈاکٹر موہن یادو نے بدھ کو میڈیا سے بات چیت میں کہا کہ وزیر اعظم نریندر مودی کی پہل پر مرکزی وزارت داخلہ نے قومی ترانے جن-گن-من سے پہلے تمام دفاتر اور اسکولوں میں قومی گیت وندے ماترم کے چھ اشعار کے گائے جانے کا فیصلہ لیا ہے۔ یہ انتہائی قابل ستائش اور غیر معمولی پہل ہے۔ اس کے ذریعے پورا ملک امر شہیدوں کی قربانی کو یاد کرے گا۔ وزیر اعلیٰ نے کہا کہ ہندوستانی جدوجہد ا?زادی میں ہمارے بہادر مجاہدین نے وندے ماترم گاتے ہوئے خود کو ملک کے لیے قربان کر دیا۔ انہوں نے کہا کہ مدھیہ پردیش حکومت، مرکزی حکومت کے اس فیصلے کے ساتھ کھڑی ہے اور وندے ماترم گائیکی کے فیصلے کو فوری طور پر ریاست میں نافذ کر رہی ہے۔