تاثیر 2 فروری ۲۰۲۶:- ایس -ایم- حسن
نئی دہلی، 2 فروری : دہلی اسمبلی کے اسپیکر وجیندر گپتا نے پیر کو سنت پرمانند اسپتال میں موجودہ اراکین اسمبلی کے سالانہ ہیلتھ چیک اپ پروگرام کا افتتاح کیا۔ اس موقع پر گپتا نے کہا کہ صحت مند عوامی نمائندے مضبوط اداروں کی بنیاد ہوتے ہیں اور بہتر عوامی خدمت کو یقینی بناتے ہیں۔
یہ ہیلتھ چیک اپ پروگرام، جو آج سے شروع ہوکر 14 فروری تک چلے گا اور اسے قومی دارالحکومت علاقہ دہلی کی حکومت کے موجودہ ہیلتھ پلان کے تحت نافذ کیا جا رہا ہے۔ اس موقع پر خطاب کرتے ہوئے وجیندر گپتا نے کہا کہ یہ پہل دہلی قانون ساز اسمبلی کے تمام اراکین کے ساتھ بات چیت اور اتفاق رائے کے ذریعے ایک نئی پہل کے طور پر شروع کیا گیا ہے۔ آج سے باقاعدہ طور پر سالانہ ہیلتھ چیک اپ پروگرام شروع کیا گیا ہے، جس کے تحت روزانہ چھ ایم ایل اے اپنا ہیلتھ چیک اپ کرائیں گے ۔