تاثیر 08 مارچ ۲۰۲۶:- ایس -ایم- حسن
گوہاٹی، 8 مارچ :: آسام پردیش کانگریس کمیٹی (اے پی سی سی) کے صدر اور ایم پی گورو گوگوئی نے اتوار کو الزام لگایا کہ ریاست میں ہمنتا بسوا سرما کی قیادت والی حکومت کے تحت ترقی سے صرف چند لوگوں کو فائدہ ہوا ہے۔ گوگوئی نے ایک تقریب کے موقع پر میڈیا سے بات کرتے ہوئے یہ الزام لگایا۔
نامہ نگاروں سے بات کرتے ہوئے، انہوں نے دعویٰ کیا کہ ریاست میں صرف ایک خاص خاندان خوشحال ہوا ہے، اور اس خاندان نے آسام میں تقریباً 12,000 ایکڑ اراضی پر قبضہ کر لیا ہے۔ انہوں نے یہ بھی کہا کہ ریاست کے لوگ بولنے سے ڈرتے ہیں۔
کانگریس لیڈر نے ریاستی حکومت کی پالیسیوں پر سوال اٹھاتے ہوئے الزام لگایا کہ گاو¿ں میں شراب کی دکانوں کی تعداد بڑھ رہی ہے، جب کہ سرکاری اسکول بند کیے جا رہے ہیں۔ انہوں نے کہا کہ آسام کے لوگ اب تبدیلی اور وزیر اعلیٰ کو ہٹانے کا مطالبہ کر رہے ہیں۔ انہوں نے کہا کہ وزیر اعلیٰ نے بار بار وزیر اعلیٰ کے دفتر کے وقار کو کم کیا ہے۔
گوگوئی نے دعویٰ کیا کہ کانگریس کی “سومائے پور بورتنور” (تبدیلی کا وقت) مہم کو بڑے پیمانے پر عوامی حمایت حاصل ہو رہی ہے۔ حالانکہ ابھی اسمبلی انتخابات کی تاریخ کا اعلان نہیں کیا گیا ہے، لیکن انہوں نے امکان ظاہر کیا کہ انتخابات بوہگ بیہو سے پہلے ہو سکتے ہیں۔