تاثیر 16 مارچ ۲۰۲۶:- ایس -ایم- حسن
اورنگ آباد ، 16 مارچ :مہاراشٹر کے اورنگ آباد میں گورنمنٹ میڈیکل کالج کے زیر اہتمام ریاستی سطح کی طبی کانفرنس منعقد کی گئی جس میں ریاست کے دودھ ترقیات کے وزیر اتول ساوے بھی موجود تھے۔
کانفرنس میں مہاراشٹر کے مختلف علاقوں سے آئے ہوئے طبی ماہرین، رہائشی ڈاکٹرز، محققین اور میڈیکل طلبہ نے شرکت کی اور طب کے میدان میں ہونے والی نئی تحقیق، جدید تصورات اور علاج کی جدید تکنیکوں پر تفصیلی گفتگو کی۔
یہ کانفرنس ‘‘جدت، کلینیکل مہارت اور تعلیمی تحقیق کے درمیان رابطہ’’ کے تصور پر مبنی تھی جس کا مقصد جدید طبی علم اور تجربات کے تبادلے کو فروغ دینا تھا۔ وزیر اتول ساوے نے کہا کہ ایسی علمی اور تحقیقی کانفرنسیں طبی میدان میں نئے نظریات اور تحقیق کو آگے بڑھانے میں اہم کردار ادا کرتی ہیں۔ انہوں نے کہا کہ اس طرح کے علمی تبادلے کے ذریعے مستقبل میں صحت کی خدمات کو زیادہ مؤثر اور مریضوں کے لیے بہتر بنایا جا سکتا ہے۔