تاثیر 02 مارچ ۲۰۲۶:- ایس -ایم- حسن
کولکاتا، 2 مارچ : الیکشن کمیشن کے ایک وفد نے پیر کو مغربی بنگال اسمبلی انتخابات کی تیاریوں کا جائزہ لینے کے لیے ملاقات کی۔ اجلاس میں سینئر ڈپٹی الیکشن کمشنر، ڈپٹی الیکشن کمشنر اور کمیشن کے دیگر اعلیٰ حکام نے شرکت کی۔وفد کی ٹیم نے ویڈیو کانفرنس کے ذریعے ریاستی پولیس، انتظامیہ، چیف الیکٹورل آفیسر، ریاستی پولیس کے نوڈل آفیسر، مرکزی فورسز کے نوڈل آفیسر اور مختلف نافذ کرنے والی ایجنسیوں کے نوڈل افسران کے ساتھ مرحلہ وار میٹنگیں کیں۔یہ میٹنگ ریاست کے چیف الیکٹورل آفیسر کے دفتر میں منعقد ہوئی، جس میں چیف الیکٹورل آفیسر منوج کمار اگروال، ریاستی خصوصی مبصر سبرت گپتا، ایڈیشنل چیف الیکٹورل آفیسر دیبیندو داس، ارندم نییوگی، ریاستی پولس نوڈل آفیسر آنند کمار اور دیگر سینئر افسران موجود تھے۔
میٹنگ کا مقصد انتخابی تیاریوں، حفاظتی انتظامات اور ریاست میں تمام متعلقہ ایجنسیوں کے تال میل کا جائزہ لینا تھا تاکہ پولنگ پرامن اور منظم طریقے سے ہو سکے۔