تاثیر 01 مارچ ۲۰۲۶:- ایس -ایم- حسن
سہسرام ( انجم ایڈوکیٹ ) بہار کے عزت مآب وزیر اعلیٰ شری نتیش کمار کے 74ویں یوم پیدائش پر روہتاس جنتا دل یونائیٹڈ کے کارکنوں نے اسے “بہار گورو دیوس” کے طور پر منایا ۔ اس موقع پر کارکنوں نے پوسٹ آفس چوک سہسرام میں عوام میں مٹھائیاں اور صدر اسپتال سہسرام میں مریضوں کو پھل تقسیم کئے ۔ انھوں نے عزت مآب وزیر اعلیٰ شری نتیش کمار کی اچھی صحت، لمبی عمر اور مسلسل توانائی کیلئے دعا کرتے ہوئے بین المذاہب دعا بھی کی ۔ اس موقع پر ریاستی سکریٹری رنکو سنگھ، انیل یادو، سہسرام ٹاؤن صدر توصیف عالم، گریندر سیکروار، امیش پانڈے، راج سونی، راکیش چندر شپو، سہسرام بلاک صدر شیشناتھ چودھری، راجیش سونکر، اوشا کشواہا و دیگر کارکنان موجود تھے ۔