تاثیر 18 مارچ ۲۰۲۶:- ایس -ایم- حسن
جموں, 18 مارچ : جموں و کشمیر پولیس نے جرائم پیشہ عناصر کے خلاف بڑی کارروائی کرتے ہوئے آر ایس پورہ علاقے سے ایک عادی مجرم کو گرفتار کر لیا اور اس کے قبضے سے تیز دھار ہتھیار برآمد کیا ہے۔
پولیس کے مطابق گزشتہ روز تھانہ آر ایس پورہ کی ٹیم نے معمول کی گشت کے دوران آگرہ چک میں جامع مسجد کے قریب ایک مشتبہ شخص کو دیکھا۔ پولیس کو دیکھتے ہی ملزم نے فرار ہونے کی کوشش کی، تاہم ٹیم نے فوری کارروائی کرتے ہوئے اسے دبوچ لیا۔ اس کارروائی کی قیادت ایس ایچ او انسپکٹر تربھاون کھجوریا کر رہے تھے۔
گرفتار شخص نے اپنی شناخت یدھوِیر سنگھ سکنہ اولڈ آگرہ چک کے طور پر ظاہر کی۔ تلاشی کے دوران اس کے قبضے سے ایک تیز دھار ہتھیار (ٹوکا) برآمد ہوا۔
پولیس نے اس سلسلے میں تھانہ آر ایس پورہ میں ایف آئی آر نمبر 57/2026 درج کر کے آرمز ایکٹ کے تحت مقدمہ قائم کر لیا ہے، جبکہ مزید تحقیقات جاری ہیں۔ حکام کے مطابق ملزم ایک عادی مجرم ہے جو پہلے بھی کئی مقدمات میں ملوث رہا ہے۔