تاثیر 10 مارچ ۲۰۲۶:- ایس -ایم- حسن
کیمور،10مارچ: بہار کے کیمور ضلع کے موہنیا تھانہ علاقے کے باریج گاوں کے قریب ایک بڑا حادثہ پیش آیا۔ منگل کی صبح تقریباً 7 بجے ریلوے لائن کے پنڈت دین دیال اپادھیائے گیا سیکشن پر بھبھوا روڈ ریلوے اسٹیشن اور متھنی اسٹیشن کے درمیان ڈیڈیکیٹڈ فری کوریڈور (ایچ ڈی ایف) ٹریک پر دو بھائی ایک ٹرین کی زد میں آگئے۔
مرنے والوں کی شناخت 24 سالہ پرنس کمار اور 22 سالہ روہت کمار ولد مدن ساہ کے ساکن بیرج گاوں کے طور پر ہوئی ہے۔ موصولہ اطلاعات کے مطابق دونوں بھائی صبح گھر سے اپنے کھیتوں کو دیکھنے کے لیے نکلے تھے۔ ریلوے ٹریک کے ایک طرف گاوں اور دوسری طرف کھیت ہے۔
متوفی کے بھائی راج کمار نے بتایا کہ آج صبح گھنے دھند کی وجہ سے حد نگاہ کم تھی جس کے نتیجے میں دونوں بھائی تیز رفتار ٹرین کی زد میں آ گئے۔ حادثے کے بعد گھر والے اور گاوں والے خون میں لت پت پٹریوں کو دیکھ کر حیران رہ گئے۔