تاثیر 29 اپریل ۲۰۲۶:- ایس -ایم- حسن
بھاگلپور، 29 اپریل :بہار میں بھاگلپور ضلع کے تلکامانجھی تھانہ علاقے میں لاء کالج کے قریب ایک نجی کلینک میں بدھ کے روز ایک مریض کی موت کے بعد زبردست ہنگامہ مچ گیا۔لواحقین نے ڈاکٹر پر علاج میں غفلت کا الزام لگاتے ہوئے لاش کلینک کے باہر رکھ کر احتجاج کیا۔ ہنگامہ آرائی کی اطلاع ملتے ہی مقامی پولیس جائے وقوعہ پر پہنچی اور حالات پر قابو پانے کی کوششیں شروع کر دیں۔ مرنے والے کی شناخت سردھا، بھاگلپور کے رہنے والے رتیش کمار سنگھ کے طور پر کی گئی ہے۔اہل خانہ کا کہنا ہے کہ رتیش جسمانی بیماری میں مبتلا ہونے کے بعد خود ہی علاج کے لیے ڈاکٹر ابھیشیک کمار کے پاس آیا۔ اس کی حالت جان لیوا نہیں تھی۔ ڈاکٹر نے سرجری کا مشورہ دیا لیکن مریض کی حالت بہتر ہونے کے بجائے مزید بگڑ گئی اور وہ بالآخر دم توڑدیا۔ لواحقین کا الزام ہے کہ آپریشن کے دوران یا اس کے بعد بڑی خرابی ہوئی ہے۔الزام ہے کہ جب مریض کی حالت بگڑ گئی اور اہل خانہ نے احتجاج کرنا شروع کیا تو ڈاکٹر ابھیشیک کمار کلینک سے فرار ہو گئے۔ لواحقین کے مطابق صبح اسپتال انتظامیہ نے انہیں مریض کو کہیں اور لے جانے کا مشورہ دیا حالانکہ مریض کی موت ہوچکی تھی۔متوفی کے رشتہ دار راج کمار نے بتایا کہ مریض بالکل ٹھیک تھا اور خود یہاں آیا تھا۔ ڈاکٹر کی غفلت نے اس کی جان لے لی۔ جب ہم نے اس سے سوال کیا تو ڈاکٹر بھاگ گیا۔ ہم صرف انصاف چاہتے ہیں۔ اس واقعہ کے بعد تلکامانجھی تھانہ علاقہ میں افراتفری کا راج ہے۔ لا کالج روڈ پر ایک بڑا ہجوم جمع ہوگیا۔ کشیدہ صورتحال کے پیش نظر پولیس موقع پر پہنچی اور اہل خانہ کو مناسب قانونی کارروائی کی یقین دہانی کرائی۔ پولیس اب کلینک کے ریکارڈ اور ڈاکٹر کے کردار کی چھان بین کر رہی ہے۔ہندوستھان سماچار