تاثیر 11 اپریل ۲۰۲۶:- ایس -ایم- حسن
نئی دہلی، 10 اپریل: وزیر اعظم نریندر مودی نے جمعہ کو ایک سنسکرت سبھاشتم کا اشتراک کیا اور مشکل حالات میں پرسکون رہنے اور سمجھداری سے فیصلے کرنے کی اہمیت پر زور دیا۔
سوشل میڈیا پلیٹ فارم ایکس پر اپنے پیغام میں وزیر اعظم مودی نے کہا کہ ملک کے نوجوان جو کچھ بھی عزم کرلیتے ہیں، اسے پورا کرکے دکھاتے ہیں۔ انہوں نے مزید کہا کہ نوجوان صلاحیت کی طاقت ہی ہے جو ملک کو تیز رفتار سے ترقی کی راہ پر گامزن کر رہی ہے۔
وزیر اعظم نے یہ سبھاشتم شیئر کیا’’ویسنے وارتھاکرچھرے جیوانتکے ۔ ورمشن وے سویا بدھیادھرتیمان ناوسیدتی۔‘‘
اس کہاوت کامفہوم یہ ہے کہ مصیبت، مالی بحران، خوف یا زندگی کے آخری لمحات جیسے مشکل حالات میں جو شخص صبر و تحمل سے کام لیتا ہے وہ کبھی متزلزل نہیں ہوتا۔ پرسکون اور سوچ سمجھ کر فیصلے انسان کو تکلیف اور نقصان سے بچاتے ہیں۔
وزیراعظم نے کہا کہ یہ پیغام ذہنی مضبوطی اور ملک کی تعمیر میں نوجوانوں کے کردار کی عکاسی کرتا ہے۔