تاثیر 12 مئی ۲۰۲۶:- ایس -ایم- حسن
نوح، 12 مئی:۔ نوح ضلع کے پنہانہ اسمبلی حلقہ میں کانگریس ایم ایل اے محمد الیاس کی طرف سے بلائی گئی کارکنوں کی میٹنگ کے بعد ان کے بیٹے جاوید کے بیانات سے سیاسی ماحول گرم ہو گیا ہے ۔ پنہانہ اناج منڈی میں منعقدہ میٹنگ کے دوران جاوید نے کھل کر کانگریس کو نشانہ بنایا، بی جے پی قیادت کی ستائش کی اور میوات میں جلد ہی وزیر اعلیٰ کی طرف سے ایک تاریخی جلسہ کرنے کا وعدہ کیا۔ جاوید نے کہا کہ اس نے اور ایم ایل اے محمد الیاس نے حال ہی میں وزیر اعلیٰ نائب سنگھ سینی سے ملاقات کی۔ میٹنگمیں بجلی، صحت، تعلیم، سڑکوں اور روزگار سے متعلق مطالبات وزیراعلیٰ کو پیش کئے گئے۔ انہوں نے دعویٰ کیا کہ وزیر اعلیٰ نے میوات کی ترقی کا یقین دلایا ہے۔ راجیہ سبھا انتخابات میں بی جے پی کی حمایت کے بارے میں جاوید نے کہا کہ 80,000 لوگوں نے انہیں ووٹ دیا اور انہیں اسمبلی میں منتخب کیا۔ اسی بھروسے کی بنیاد پر انہوں نے راجیہ سبھا میں بی جے پی کو واحد ووٹ دیا۔ بدلے میں وزیر اعلیٰ نے میوات میں برسوں پرانے ترقیاتی منصوبوں کو مکمل کرنے کا وعدہ کیا ہے۔