تاثیر 12 مئی ۲۰۲۶:- ایس -ایم- حسن
نئی دہلی، 12 مئی:ٹاٹا ایڈوانسڈ سسٹم لمیٹڈفرانسیسی کمپنی ایئر بس کے تعاون سے، وڈودرا، گجرات میں اپنی آخری اسمبلی لائن پر پہلا سی-295 طیارہ تیار کیا ہے۔ یہ ہندوستان کا پہلا فوجی ٹرانسپورٹ طیارہ ہے، جو ہندوستانی فضائیہ کے لیے ’آتمانر بھر بھارت‘ اقدام کو پورا کرتا ہے۔ یہ پہلا موقع ہے جب کسی پرائیویٹ ہندوستانی کمپنی نے ملک میں ایک پورے ملٹری ایئر کرافٹ کی فائنل اسمبلی لائن کی تعمیر اور کمیشن کی ہے۔
یہ پروگرام 2021 میں طے پانے والے 21,935 کروڑ کے ٹرانسپورٹ طیاروں کے معاہدے کے ایک حصے کے طور پر فرانسیسی کمپنی ایئربس کے ساتھ شراکت میں ایئر فورس کے لیے لاگو کیا جا رہا ہے۔ 56سی-295 ملٹری ٹرانسپورٹ طیاروں کے معاہدے کو 24 ستمبر 2021 کو فرانسیسی کمپنی ایئربس ڈیفنس اینڈ اسپیس کے ساتھ حتمی شکل دی گئی۔ اس معاہدے کے تحت، پہلے ایئر کرافٹ کو اسپیس میں تیار کیا گیا تھا اور اسے فراہم کیا گیا تھا۔ پہلا C-295 ٹرانسپورٹ طیارہ 20 ستمبر 2023 کو وڈودرا ایئر فورس اسٹیشن پر اترا۔ گروپ کیپٹن پی ایس نیگی نے مصر اور بحرین کے راستے فرانس سے ہندوستان کے لیے طیارے کو اڑایا۔ اس کے بعد وزیر دفاع راج ناتھ سنگھ نے 25 ستمبر کو ہندن ایئر بیس پر اس طیارے کو باضابطہ طور پر ہندوستانی فضائیہ کے ٹرانسپورٹ بیڑے میں شامل کیا۔