تاثیر 15 جون ۲۰۲۶:- ایس -ایم- حسن
نئی دہلی، 14 جون : ہندوستان ورلڈ سرکلر اکانومی فورم کے 10ویں ایڈیشن کی میزبانی کرے گا، جس کا مقصد عالمی چیلنجوں اور وسائل کی رکاوٹوں کے دور میں پائیدار ترقی کو فروغ دینا ہے۔ یہ پہلی بار ہندوستان میں منعقد ہو رہا ہے۔
توقع ہے کہ وزیر اعظم نریندر مودی اس عالمی تقریب کا افتتاح کریں گے، جو 15 سے 18 ستمبر تک گجرات کے دارالحکومت گاندھی نگر میں منعقد ہونے والا ہے۔ بہت سے عالمی رہنما، خاص طور پر گلوبل ساؤتھ سے آنے والوں کی شرکت متوقع ہے۔ اس اہم عالمی ایونٹ کا بنیادی مقصد ان ہنگامہ خیز اور مشکل وقتوں میں فلاح و بہبود، خوشحالی اور لچک کو محفوظ بنانے کے لیے سرکلر حل پیش کرنا ہے۔ ڈبلیو سی ای ایف 2026 کا اہتمام فن لینڈ کے انوویشن فنڈ، سیترا اور ہندوستان کے مرکزی آلودگی کنٹرول بورڈ نے مشترکہ طور پر کیا ہے۔ اسے ماحولیات، جنگلات اور موسمیاتی تبدیلی کی مرکزی وزارت کی حمایت حاصل ہے اور اسے گجرات کی حکومت کے ساتھ ساتھ عالمی اور ہندوستانی شراکت داروں کے تعاون سے اختتام پذیر ہوگا۔