تاثیر 19 جون ۲۰۲۶:- ایس -ایم- حسن
نئی دہلی، 18 جون : ادھو ٹھاکرے کی قیادت والی شیو سینا (یو بی ٹی) نے جمعرات کو نئی دہلی میں منعقدہ پارلیمانی پارٹی کے اجلاس سے غیر حاضر رہنے والے لوک سبھا کے چھ ارکان کے خلاف تادیبی کارروائی شروع کی ہے۔ پارٹی رہنماؤں کا کہنا ہے کہ یہ کارروائی پارٹی وہپ کو نظر انداز کرنے کے پیش نظر کی جا رہی ہے۔
پارٹی وہپ کے باوجود چھ ارکان اسمبلی غیر حاضر رہے۔ ان میں سنجے دینا پاٹل (ممبئی شمال مشرق)، سنجے دیش مکھ (یوتمال-واشیم)، ناگیش پاٹل اشتیکر (ہنگولی)، سنجے جادھو (پربھنی)، بھاؤ صاحب وکچورے (شرڈی)، اور اوم پرکاش عرف اوم راجے نمبالکر (دھراشیو/او ایس) شامل ہیں۔ ایکناتھ شندے کی زیرقیادت شیو سینا کا دعویٰ ہے کہ شیوسینا (یو بی ٹی) کے زیادہ تر ممبران پارلیمنٹ پارٹی بدلنے کے لیے تیار ہیں۔
اجلاس میں تین ارکان پارلیمنٹ موجود تھے۔ ان میں اروند ساونت (ممبئی ساؤتھ)، انیل دیسائی (ممبئی ساؤتھ سینٹرل) اور راج بھاؤ وازے (ناسک) شامل ہیں۔