تاثیر 5 جولائی ۲۰۲۶:- ایس -ایم- حسن
لکھنؤ ، 5 جولائی:’وزٹ مائی اسٹیٹ‘ مہم کے ایک حصے کے طور پر ، لکھنؤ کے تقریباً 35 بائیک سواروں کے ایک گروپ نے اتوار کو کانپور-لکھنؤ ہائی وے پر واقع چندر شیکھر آزاد برڈ سینکچری کا دورہ کیا۔ یہاں انہوں نے اتر پردیش کے قدرتی حسن کو قریب سے دیکھا اور اتر پردیش اسٹیٹ ٹورازم ڈیولپمنٹ کارپوریشن (یوپی ایس ٹی ڈی سی) کے راہی ٹورسٹ بنگلے کی مہمان نوازی کا تجربہ کیا۔
سفر کے دوران، یوپی ایس ٹی ڈی سی ملازمین نے راہی ٹورسٹ بنگلہ میں بائیک سواروں کا روایتی انداز میں استقبال کیا۔ انہیں چائے اور کافی کے ساتھ غذائیت سے بھرپور ناشتہ بھی پیش کیا گیا۔ اس کے بعد محکمہ کے اہلکار انہیں پرندوں کی پناہ گاہ کے دورے پر لے گئے ، جہاں انہوں نے پرسکون پانیوں اور آنے والے مقامی اور نقل مکانی کرنے والے پرندوں کا مشاہدہ کیا، اور ان کی ماحولیاتی اہمیت کے بارے میں معلومات حاصل کیں۔سیاحت اور ثقافت کے وزیر جیویر سنگھ نے کہا ،’ نوجوانوں کی بڑھتی ہوئی تعداد کو ’ وزٹ مائی اسٹیٹ ‘ مہم میں شامل ہوتے دیکھنا انتہائی حوصلہ افزا ہے۔ نوجوانوں میں یہ بڑھتا ہوا جوش اس مہم کی کامیابی کا ثبوت ہے۔