ویڈیو کانفرنسنگ ذریعہ بہار چیف سکریٹری نے لیا سرکاری اسکیم و پروگرام کا ریاست سطحی جائزہ

           سہسرام ( انجم ایڈوکیٹ ) آج مورخہ 3 اگست 2026 کو بہار کے چیف سکریٹری کی صدارت میں ویڈیو کانفرنسنگ کے ذریعے مختلف سرکاری اسکیموں اور پروگراموں کی ایک ریاست سطحی جائزہ میٹنگ ہوئی ۔ میٹنگ میں ریاست کے تمام اضلاع کے ضلعی عہدیداروں نے شرکت کی ۔ روہتاس کے ضلع کلکٹر شری دیپک کمار مشرا، ڈپٹی ڈیولپمنٹ کمشنر وجئے کمار پانڈے، سول سرجن، ڈسٹرکٹ سپلائی آفیسر اور متعلقہ محکموں کے افسران کے ساتھ موجود تھے ۔ میٹنگ میں پردھان منتری سوریہ گھر: مفت بجلی اسکیم، بجلی کی فراہمی، ویج فیڈ، ٹی بی فری انڈیا مہم، زیر التوا ایس آئی آر، راشن کارڈ، اور ہر گھر ترنگا ابھیان کے ساتھ اہم اسکیموں کی پیش رفت کا تفصیلی جائزہ لیا گیا ۔ مختلف محکموں کے پرنسپل سیکریٹریز اور سیکریٹریز نے پاور پوائنٹ پریزنٹیشنز کے ذریعہ اسکیموں کی موجودہ صورتحال اور کامیابیوں کے بارے میں معلومات فراہم کیں ۔ چیف سکریٹری نے محکمہ وار جائزہ لیا اور اسکیموں کے موثر اور بروقت نفاذ کے لئے ضروری رہنما خطوط فراہم کئے ۔ میٹنگ کے بعد روہتاس کے ضلع کلکٹر شری دیپک کمار مشرا نے پردھان منتری سوریہ گھر: مفت بجلی اسکیم کا جائزہ لیا اور بجلی کی تقسیم کار کمپنیوں، بینکوں کے نمائندوں اور عمل درآمد کرنے والی ایجنسیوں کو ہدایت دی کہ وہ بینک قرض کی درخواستوں کی فوری کارروائی کو یقینی بنائیں، غیر ضروری مستردوں کو کم کریں اور مستفیدین کو بروقت قرض کی منظوری اور سبسڈی فراہم کریں ۔ محکمہ صحت کے جائزہ کے دوران ٹی بی فری انڈیا مہم کے تحت گھر گھر جاکر اسکریننگ مہم کے بارے میں جانکاری فراہم کی گئی، بتایا گیا کہ آشا کارکنان، اے این ایم اور صحت کارکن ممکنہ ٹی بی کے مریضوں کی شناخت کر رہے ہیں اور بروقت جانچ اور علاج کو یقینی بنا رہے ہیں ۔ پردھان منتری ٹی بی فری انڈیا اسکیم کے تحت شناخت شدہ ٹی بی کے مریضوں کو نیوٹریشن کٹس بھی فراہم کی جارہی ہیں ۔ اجلاس میں یوم آزادی پر منعقد ہونے والی “ہر گھر ترنگا” مہم کی تیاریوں کا بھی جائزہ لیا گیا ۔ ہر خاندان کو قومی پرچم کی دستیابی کو یقینی بنانے اور زیادہ سے زیادہ گھروں اور اداروں میں ترنگا پھہرانے پر زور دیا گیا ۔ مہم کے ایک حصہ کے طور پر ترنگا تقسیم، ترنگا یاترا، بائیک اور سائیکل ریلیاں، ترنگا رنگولی مقابلے، ترنگے کے ساتھ سیلفیاں اور ثقافتی پروگرام منعقد کئے جائینگے، اسکے ساتھ ساتھ اسکولوں، کالجوں، جیویکا سیلف ہیلپ گروپس، گرام پنچایتوں، پی اے سی ایس، این سی سی، این ایس ایس، نوجوان تنظیموں اور رضاکارانہ تنظیموں کی زیادہ سے زیادہ شرکت کو یقینی بنانے کی ہدایات دی گئیں ۔ ضلع کلکٹر نے راشن کارڈ بنانے اور ناموں کے اضافے کی خصوصی مہم میں اہل خاندانوں کی جلد شناخت کر تمام درخواستوں پر بروقت عمل درآمدگی کو یقینی بنانے اور زیر التواء سی ایم آر کی فراہمی کو مقررہ مدت میں مکمل کرنے کی ہدایت دی ۔ اسکے علاوہ تمام محکمہ جاتی افسران کو روزانہ اسکیموں کا جائزہ لینے اور ریاستی حکومت کی طرف سے مقرر کردہ اہداف کی 100% حصول کو یقینی بنانے کی ہدایات بھی دی گئیں ۔