تاثیر 13 ستمبر ۲۰۲۶:- ایس -ایم- حسن
کانپور، 13 ستمبر: اتر پردیش کے کانپور میں بیراج پر گنگا کے پانی کی سطح اتوار کو ایک سینٹی میٹرگھٹ کر 114.740 میٹر کم ریکارڈ کی گئی۔ پانی کی سطح اب بھی انتباہی نشان سے 74 سینٹی میٹر اوپر ہے، جبکہ یہ خطرے کے نشان سے 26 سینٹی میٹر نیچے ہے۔
ہفتے کے روز بیراج پر اوپر کی طرف پانی کی سطح 114.750 میٹر اور نیچے کی طرف پانی کی سطح 114.380 میٹر ریکارڈ کی گئی۔ آج، اوپر کی طرف اور نیچے کی طرف پانی کی سطح میں ایک ایک سینٹی میٹر کی کمی واقع ہوئی ہے۔ نیچے کی طرف، پانی کی سطح 114.370 میٹر تک گر گئی۔
بیراج سے پانی کے اخراج میں بھی کمی ریکارڈ کی گئی ہے۔ 4,20,691 کیوسک پانی چھوڑا گیا، جوہفتہ کے 4,21,854 کیوسک کے مقابلہ میں 1,163 کیوسک کم ہے۔ کانپور بیراج پرانتباہی نشان 114 میٹر اور خطرے کا نشان 115 میٹر ہے۔