تاثیر 10 ستمبر ۲۰۲۶:- ایس -ایم- حسن
ناندیڑ، 10 ستمبر : ناندیڑ کے بی جے پی رکن اسمبلی امرناتھ راجورکر نے ریاستی وزیر محصولات چندرشیکھر باونکولے سے ملاقات کرکے ایک انتہائی اہم معاملے پر تفصیلی گفتگو کی۔ انہوں نے ناندیڑ ضلع میں پیدا ہونے والی سنگین خشک سالی کی صورتحال اور کسانوں کو درپیش مشکلات کی جانب وزیر کی توجہ مبذول کرائی۔ گزشتہ تقریباً ڈیڑھ ماہ سے ناندیڑ ضلع میں بارش نے مکمل طور پر رخ موڑ لیا ہے۔ بارش نہ ہونے کے باعث کسانوں کے ہاتھ تک پہنچنے والی فصلیں خطرے میں پڑ گئی ہیں۔ فصلوں کو نقصان پہنچنے کے خدشے کے درمیان ضلع کے کسان انتہائی دشوار اور مایوس کن صورتحال سے دوچار ہیں۔
اس سنگین صورتحال کو دیکھتے ہوئے رکن اسمبلی امرناتھ راجورکر نے ریاستی حکومت سے پرزور مطالبہ کیا کہ ناندیڑ ضلع کو خشک سالی سے متاثرہ قرار دیا جائے۔