تاثیر3 نومبر ۲۰۲۶:- ایس -ایم- حسن
بہار شریف(محمد دانش) بڑی پہاڑی بائی پاس واقع نالندہ ہڈی و ریڑھ سینٹر میں مریضوں کی جان بچانے کے مقصد سے ایک نئی پہل کی گئی ہے۔ اسپتال میں میدانتہ کے تکنیکی تعاون سے جدید ٹیلی آئی سی یو سروس شروع کی گئی ہے۔ اس سہولت کے تحت سنگین حالت میں داخل مریضوں کی 24 گھنٹے ماہر ڈاکٹروں کے ذریعے نگرانی کی جائے گی۔
ڈاکٹر رشمی نارائن نے بتایا کہ ٹیلی آئی سی یو جدید ٹیکنالوجی اور طبی سہولیات سے لیس ہے۔ میدانتہ کی ماہر ڈاکٹروں کی ٹیم اس کی نگرانی کرے گی، جو چوبیس گھنٹے مریضوں کی صحت اور ان کی سرگرمیوں پر نظر رکھے گی۔ ضرورت پڑنے پر مقامی ڈاکٹروں سے مسلسل رابطہ قائم کرکے مریضوں کو بہتر علاج فراہم کیا جائے گا۔ کسی بھی ہنگامی صورت حال سے نمٹنے کے لیے کرٹیکل کیئر یونٹ بھی پوری طرح تیار رہے گا۔
وہیں اسپتال کے ڈائریکٹر ڈاکٹر امردیپ نارائن نے بتایا کہ اس پہل کا بنیادی مقصد سڑک حادثات میں شدید طور پر زخمی ہونے والے مریضوں کی جان بچانا ہے۔ اکثر سڑک حادثات کے بعد سنگین حالت میں مریضوں کو بہتر علاج کے لیے پٹنہ ریفر کرنا پڑتا ہے۔ اس دوران بروقت علاج نہ ملنے کی وجہ سے کئی مریض راستے میں ہی دم توڑ دیتے ہیں۔
اسی مسئلے کو دیکھتے ہوئے الیکٹرانک ورچوئل ٹیلی آئی سی یو کی سہولت شروع کی گئی ہے، تاکہ مریضوں کو مقامی سطح پر ہی ماہر ڈاکٹروں کی نگرانی میں بہتر علاج مل سکے اور زیادہ سے زیادہ لوگوں کی جان بچائی جا سکے۔ انہوں نے بتایا کہ اسپتال میں 24 گھنٹے الٹراساؤنڈ کی سہولت بھی دستیاب ہے۔
اس موقع پر اسپتال کے منیجر رشی کیش نے بتایا کہ مریضوں کو بہتر طبی سہولیات فراہم کرنے کے مقصد سے آنے والے دنوں میں کئی دیگر جدید طبی سہولیات بھی شروع کرنے کی سمت میں کام کیا جا رہا ہے۔