Taasir Urdu News Network – Syed M Hassan 7th Feb
متھر،07فروری :اتر پردیش کے متھرا ضلع میں دہلی کے کنجھوالا جیسا معاملہ سامنے آیا ہے۔ متھرا کے تھانہ مانت علاقے میں یمنا ایکسپریس وے پر کئی کلومیٹر تک ایک کار میں ایک لاش پھنسی ہوئی تھی۔ کار جب مونٹ ٹول پلازہ پر پہنچی تو ایکسپریس وے کے سیکورٹی اہلکاروں نے گاڑی کے نیچے پھنسی لاش کو دیکھا۔ بتایا جا رہا ہے کہ کار میں پھنسی لاش کو تقریباً 11 کلومیٹر تک گھسیٹا گیا تھا۔ معلومات کے مطابق کار آگرہ سے نوئیڈا کی طرف جارہی تھی۔دہلی کا رہائشی وریندر گاڑی چلا رہا تھا۔ جن کو گرفتار کرنے کے بعد پولیس نے تفتیش شروع کر دی ہے۔ گرفتار شخص نے مبینہ طور پر پولیس کو بتایا کہ وہ پیر کی رات کو گہری دھند میں مشکل سے دیکھ سکتا تھا اور اسے اپنی گاڑی کے نیچے پھنسی ہوئی لاش کا علم نہیں تھا۔ سپرنٹنڈنٹ آف پولیس ٹریگن بسن نے کہاگزشتہ رات ایکسپریس وے پر گھنی دھند تھی، اس لیے حد نگاہ کم تھی جس کی وجہ سے حادثہ کا شکار کار کے نیچے آ گیا۔پولیس پوچھ گچھ کر رہی ہے اور راستے میں حفاظتی کیمروں کی جانچ کر رہی ہے تاکہ یہ معلوم کیا جا سکے کہ کون اور کیسے مرا۔ اس سے پہلے، یکم جنوری کی صبح دہلی کے کنجھا والا میں، ایک کار انجلی سنگھ (20) کی اسکوٹی سے ٹکرائی اور لڑکی کو تقریباً 12 کلومیٹر تک گھسیٹ کر لے گئی۔ اس واقعے میں لڑکی کی موت ہو گئی تھی۔ پولیس اس معاملے کی بھی تحقیقات کر رہی ہے۔