پوجا بھٹ کی زندگی تنازعات سے بھری رہی

Taasir Urdu News Network – Syed M Hassan 24th Feb

بالی ووڈ اداکارہ اور ہدایت کار پوجا بھٹ آج 24 فروری کو اپنی سالگرہ منا رہی ہیں۔ اگرچہ پوجا بھٹ اب اداکاری کی دنیا سے دور ہیں، لیکن وہ بالی ووڈ کے کئی بڑے اداکاروں کے ساتھ کام کر چکی ہیں۔ پوجا بھٹ کا شمار 90 کی دہائی کی کامیاب اداکاراؤں میں ہوتا تھا۔ ان کی پیشہ ورانہ زندگی زیر بحث رہی۔ اس کے علاوہ ان کی ذاتی زندگی ہمیشہ سرخیوں میں رہی ہے۔ شادیاں، افیئرز، بالی ووڈ اداکاروں کی مار پیٹ اور والد مہیش بھٹ کے ساتھ لپ لاک نے پوجا کو ہمیشہ ہی موضوع بحث بنایا ہے۔ ان کی زندگی کافی متنازعہ رہی ہے۔
پوجا بھٹ 24 فروری 1972 کو مشہور پروڈیوسر ڈائریکٹر مہیش بھٹ کے گھر پیدا ہوئیں۔ اداکارہ پوجا بھٹ کو پہلی فلم صرف 17 سال کی عمر میں ملی۔ پوجا کی پہلی فلم ’’ڈیڈی‘‘ تھی۔ اس کے بعد پوجا بھٹ نے ’دل ہے کہ مانتا نہیں‘، ’سڑک‘، ’سر‘ اور ’چاہت‘ سمیت کئی فلموں میں اداکاری کرکے شائقین کے دل جیت لیے۔ اگرچہ پوجا کا کیریئر طویل نہیں ہے لیکن ان کی کچھ فلمیں یادگار ہیں۔
پوجا بھٹ نے 2003 میں فلم ’’پاپ‘‘ کی ہدایت کاری کی۔ اسی دوران منیش مکھیجا سے ان کی قربتیں بڑھنے لگیں۔ ڈیٹنگ کے کچھ ہی دنوں میں پوجا اور منیش کی شادی ہو گئی۔ تاہم ان کی شادی زیادہ دنوں تک نہچل سکی اور ان کی طلاق ہو گئی۔ اس کے بعد پوجا بھٹ نے فلم ’’جسم‘‘ پروڈیوس کی۔ اسی دوران وہ اداکار رنویر شوری کے قریب آگئیں۔ بعد میں دونوں کے تعلقات زیادہ اچھے نہیں رہے۔ شراب کے نشے میں دونوں کے درمیان اکثر لڑائی جھگڑا ہوا کرتا تھا۔ جس کے بعد پوجا نے رنویر کے خلاف مقدمہ بھی درج کرایا۔
جب 90 کی دہائی میں پوجا بھٹ کا کریئر کامیابی کی بلندیوں پر جا رہا تھا تو ایک میگزین کے سرورق پر مہیش بھٹ اور پوجا بھٹ کی لپ لاک کو بوسہ دیتے ہوئے تصویر چھپی تھی۔ اس دوران مہیش بھٹ نے ایک متنازع بیان دیا تھا کہ ‘اگر پوجا میری بیٹی نہ ہوتی تو میں اس سے شادی کر لیتا’۔ جس کی وجہ سے پوجا بھٹ ایک بڑے تنازع میں پھنس گئیں۔