Taasir Urdu News Network – Syed M Hassan 13th March
پٹنہ، 13 مارچ :مرکزی وزیر داخلہ امت شاہ 2 اپریل کو بہار کا دورہ کریں گے۔ ا?ئندہ سال ہونے والے لوک سبھا انتخابات کے پیش نظران کے بہار کے دوروں میں تیزی ا?رہی ہے۔ وہ سہسرام اور نوادہ میں جلسہ عام سے خطاب کریں گے۔ چھ ماہ میں یہ ان کا چوتھا بہار دورہ ہوگا۔شاہ کے دورے سے بی جے پی مختلف سماج کے لوگوں کو اپنی طرف متوجہ کرنے کی کوشش کررہی ہے۔ ویسے بھی جب سے عظیم اتحاد کی حکومت بنی ہے امت شاہ نے بہار کی باگ ڈور اپنے ہاتھ میں لی ہے۔ بہار میں اقتدار سے باہر ہونے کے بعد امت شاہ نے 23 اور 24 ستمبر 2022 کو سیمانچل کا دورہ کیا تھا۔ یہاں سے انہوں نے 2024 کے لوک سبھا انتخابات کی تیاری شروع کردی۔امت شاہ نے اپنی ریلی کے ذریعے چاروں اضلاع سیمانچل، پورنیہ، ارریہ، کشن گنج اور کٹیہار کومتحد کرنے کی کوشش کی۔ یہ چاروں علاقے مسلم اکثریتی ہیں۔ شاہ دو دن تک اس علاقے میں رہے اور اپنے رہنماو?ں اور کارکنوں سے رائے لی۔ اس پورے علاقے میں بی جے پی کی کیسے پکڑمضبوط ہوگی اس کا منتر دیا گیا۔
مرکزی وزیر داخلہ شاہ 11 اکتوبر 2022 کو لوک نائک جے پرکاش نارائن کے یوم پیدائش کے موقع پر اتر پردیش اور بہار کی سرحد پر واقع سیتاب دیاراگاو?ں پہنچے۔ یہاں بھارتیہ جنتا پارٹی کے مشن بہار کو دھار دیا۔ وزیر اعلیٰ نتیش کمار اور راشٹریہ جنتا دل کے سپریمو لالو پرساد یادو کو شدید نشانہ بنایا گیا۔ بہار میں این ڈی اے حکومت کے خاتمے کے بعد شاہ کا یہ دوسرا دورہ تھا۔ اس سال وہ 25 فروری کو بہار کے دورے پر ا?ئے تھے۔ پہلے انہوں نے والمیکی نگر میں جلسہ کیا۔ اس کے بعد پٹنہ میں سہجانند سرسوتی کی جینتی اور کسان سماگم میں حصہ لیا۔ اس دوران انہوں نے نتیش کمار اور تیجسوی یادو پر سخت حملہ کیا۔ اب 02 اپریل کو شاہ بہار کے سہسرام اور نوادہ پہنچ رہے ہیں۔ امت شاہ سمراٹ اشوک کے یوم پیدائش پر سہسرام اور نوادہ میں ریلی کریں گے۔ سمراٹ اشوک کے بارے میں کہا جاتا ہے کہ وہ کشواہا برادری سے ا?تے تھے۔ اسی لیے بی جے پی نے کشواہا برادری کی مدد کے لیے امت شاہ کی اس ریلی کی تیاریاں شروع کر دی ہیں۔