Taasir Urdu News Network – Syed M Hassan 02 MARCH
بھوپال، 2 اپریل:مدھیہ پردیش کے ایک اور شہر کا نام تبدیل کر دیا گیا ہے۔ وزیر اعلیٰ شیوراج سنگھ چوہان کے ا?بائی ضلع سیہور کے نصراللہ گنج کا نام بدل کر بھیروندا کر دیا گیا ہے۔ اس سلسلے میں ریاستی حکومت نے ہفتہ کو ایک نوٹیفکیشن جاری کیا ہے اور اسے گزٹ میں بھی شائع کیا گیا ہے۔ اس سے پہلے حکومت نے ہوشنگ ا?باد کا نام نرمداپورم، بابئی کا نام بدل کر ماکھن نگر اور پھر بھوپال کی تحصیل پھندا کے تحت اسلام نگر کا نام جگدیش پور رکھا تھا۔دراصل، مقامی لوگ کافی عرصے سے نصراللہ گنج کا نام بدلنے کا مطالبہ کر رہے تھے۔ وزیر اعلیٰ شیوراج سنگھ چوہان نے بھی 22 فروری 2021 کو اس کا اعلان کیا تھا۔ اس کے بعد نام بدلنے کا عمل کافی وقت سے چل رہا تھا۔ اس سلسلے میں شیوراج سنگھ چوہان حکومت نے مرکزی حکومت کو ایک تجویز بھیجی تھی۔ اس کے ساتھ ہی شام کو نصراللہ گنج شہر میں یوم فخر منایا جا رہا ہے۔ اس میں وزیر اعلیٰ چوہان بھی شرکت کریں گے۔ ان کے یہاں پہنچنے سے عین قبل نصراللہ گنج کا نام بدل کر بھیروندا رکھ دیا گیا۔ اس سلسلے میں مرکزی وزارت داخلہ کی منظوری کے بعد محکمہ ریونیو نے اتوار کو ہی ایک نوٹیفکیشن جاری کر دیا۔
