Taasir Urdu News Network – MD. ARSHAD 11 APRIL
لکھنؤ، 10 اپریل (ہ س)۔ اتر پردیش میں بلدیاتی انتخابات کے اعلان کے ساتھ ہی وزیر اعلیٰ یوگی آدتیہ ناتھ نے وزراء کی کونسل کی میٹنگ طلب کی۔ وزیر اعلیٰ کی رہائش گاہ پر ہوئی اس میٹنگ میں تمام وزراء ، آزاد چارج والے وزرائے مملکت اور وزرائے مملکت کو بلایا گیا ہے۔ دونوں نائب وزرائے اعلیٰ کے ساتھ بھارتیہ جنتا پارٹی (بی جے پی) کے ریاستی صدر بھوپیندر چودھری اور ریاستی جنرل سکریٹری تنظیم دھرم پال سنگھ بھی موجود رہیں گے۔ تنظیم اور حکومت کی اس اہم میٹنگ کو اتر پردیش میں بلدیاتی انتخابات کی تیاریوں سے جوڑا جا رہا ہے۔بلدیاتی انتخابات میں حکومت سازی کے لیے حکمت عملی بنائی جائے گی۔اتر پردیش میں بلدیاتی انتخابات کا اعلان کر دیا گیا ہے۔ ریاست کی 17 میونسپل کارپوریشنوں، 199 میونسپل کونسلوں اور 544 نگر پنچایتوں میں انتخابات ہوں گے۔ مرکز اور ریاست کی طرح بلدیاتی اداروں میں بھی اپنی حکومت بنانے کی کوشش کر رہی ہے۔ وزیر اعلیٰ یوگی آدتیہ ناتھ نے اتوار کو اپنے گورکھپور کے دورے سے اس کی شروعات کی ہے۔ گورکھپور میں ایک میٹنگ سے خطاب کرتے ہوئے انہوں نے کہا کہ اگر مرکز اور ریاست کے ساتھ ساتھ مقامی سطح پر بھی ہم خیال حکومت ہو تو ترقی تیزی سے ہوتی ہے۔ قابل ذکر ہے کہ 2017 اور پھر 2022 کے اسمبلی انتخابات میں بی جےپی نے عوام سے ڈبل انجن والی حکومت بنانے کی اپیل کی تھی۔ اس میں بھی اسے کامیابی ملی۔ اب بی جے پی پوری طاقت کے ساتھ اس الیکشن میں اترنے جا رہی ہے۔
