TAASIR URDU NEWS NETWORK –SYED M HASSAN 12 APRIL
نئی دہلی،12اپریل :راجستھان میں سچن پائلٹ نے ایک بار پھر اپنی ہی حکومت کے خلاف محاذ کھول دیا ہے۔ پائلٹ نے 11 اپریل کو جے پور میں شہداء کی یادگار پر بدعنوانی کے خلاف بھوک پڑتال کی ۔ وہ وسندھرا راجے کے دور میں ہوئے گھوٹالوں کی تحقیقات کا مطالبہ کرتے ہوئے موجودہ وزیر اعلی اشوک گہلوت حکومت کے خلاف بھوک ہڑتال( انشن )پر بیٹھے تھے۔ اب راجستھان کے سی ایم نے سچن پائلٹ کے انشن پر اپنا ردعمل دیا ہے۔ پائلٹ کے انشن کے بارے میں پوچھے جانے پر گہلوت نے کہا کہ کون کیا کر رہا ہے، اس سے کوئی فرق نہیں پڑتا۔عوامی احتجاج کے بعد کانگریس کے سینئر لیڈر سچن پائلٹ مبینہ طور پر آج پارٹی قیادت سے ملاقات کرنے دہلی جا رہے ہیں۔ تاہم، پائلٹ کی پارٹی کے سینئر رہنما سے ملاقات کے امکان کا تعین ہونا باقی ہے۔ ساتھ ہی پارٹی ذرائع نے پائلٹ کی کانگریس قیادت سے ملاقات کے امکان کو مسترد نہیں کیا ہے۔دراصل، منگل کو سچن پائلٹ کے انشن کے بعد کانگریس نے سخت وارننگ دی ہے۔ پارٹی کی جانب سے بتایا گیا کہ ان کی جانب سے ایسا کوئی بھی قدم اب پارٹی مخالف سرگرمی تصور کیا جائے گا۔ دوسری طرف وزیر اعلی اشوک گہلوت نے اس معاملے میں خاموشی اختیار کرتے ہوئے آج پریس کانفرنس بلائی ہے۔پائلٹ نے منگل کو جے پور میں کانگریس کے نام اور انتخابی نشان کا استعمال کیے بغیر اپنا انشن رکھا۔ اس میں بی جے پی کی سینئر لیڈر اور سابق وزیر اعلی وسندھرا راجے پر الزامات کے خلاف کارروائی نہ کرنے کا الزام لگایا گیا تھا۔منگل کے روزبھوک ہڑتال رکھنے کے بعد سچن پائلٹ نے کہا کہ میں نے صرف بدعنوانی پر کارروائی کرنے کے مقصد سے انشن رکھا تھا، اگر تنظیم کا کوئی مسئلہ ہوتا تو میں تنظیم سے بات کرتا، پورا سال میں نے وزیر اعلیٰ سے مطالبہ کرتے ہیں کہ کرپشن کے خلاف ہماری جنگ جاری رہے گی ہماری جدوجہد جاری رہے گی۔سچن پائلٹ نے کہا’سکھجندر سنگھ رندھاوا کچھ دن پہلے ہی انچارج بنے ہیں۔ میں نے سابق انچارجز سے بھی بات کی تھی لیکن کرپشن کا یہ معاملہ اب بھی برقرار ہے۔ کرپشن کے خلاف بولنا چاہیے۔ کرپشن کے خلاف ہماری جنگ جاری رہے گی۔پائلٹ نے کہاہماری بدعنوانی کے خلاف زیرو ٹالرنس کی پالیسی ہے، ایسی صورت حال میں بھی ایکشن لینا چاہیے۔ مجھے امید ہے کہ ایکشن ضرور لیا جائے گا۔ کرپشن کے خلاف جنگ جاری رہے گی۔ ہم چاہتے ہیں کہ صاف ستھری سیاست ہو۔اس سے قبل اشوک گہلوت نے گزشتہ سال نومبر میںمیڈیاکے ساتھ ایک خصوصی بات چیت کی تھی، جس میں انہوں نے اپنے سابق نائب سچن پائلٹ پر طنز کرتے ہوئے انہیں پوری گفتگو میں چھ بارغدارکہا تھا۔ انہوں نے کہاغدار وزیر اعلیٰ نہیں بن سکتا… ہائی کمان سچن پائلٹ کو وزیر اعلیٰ نہیں بنا سکتی، ایک ایسا شخص جس کے پاس 10 ایم ایل اے بھی نہیں… ایک آدمی جس نے بغاوت کی… اس نے پارٹی کو دھوکہ دیا۔ وہ غدار ہے۔انٹرویو کے دوران اشوک گہلوت نے 2020 میں ہونے والی ‘بغاوت’ کے بارے میں تفصیل سے بتایا، “یہ ہندوستان میں پہلی بار ہوا ہو گا، جب کسی پارٹی صدر نے اپنی ہی حکومت گرانے کی کوشش کی تھی…” اشوک گہلوت نے کوئی ثبوت فراہم نہیں کیا۔ پیش نہیں کیا، لیکن کہا کہ اس بغاوت کو ‘بھارتیہ جنتا پارٹی (بی جے پی) نے فنڈ کیا تھا’ اور اس کے پیچھے مرکزی وزیر داخلہ امیت شاہ سمیت بی جے پی کے سینئر لیڈر تھے۔