Taasir Urdu News Network – Syed M Hassan 21 APRIL
نئی دہلی ، 21 اپریل: وزیر اعظم نریندر مودی نے جمعہ کو کہا کہ پچھلے نو سالوں میں کئے گئے کام نے ملک کو لمبی چھلانگ کے لئے تیار کیا ہے۔ فی الحال نظام وہی ہے ، لیکن نتائج بدل گئے ہیں۔وزیر اعظم مودی نے مزید کہا کہ آج ہندوستان عالمی سطح پر ایک بڑا کردار ادا کر رہا ہے ، جس کے پیچھے سول سروس کے اہلکاروں کا بہت بڑا تعاون ہے۔
وزیر اعظم آج سول سروسز ڈے کے موقع پر دارالحکومت کے وگیان بھون میں سرکاری ملازمین سے خطاب کر رہے تھے۔ انہوں نے تقریب کے دوران پبلک ایڈمنسٹریشن میں بہترین کارکردگی کے لیے ’وزیر اعظم ایوارڈ‘ سے بھی نوازا ۔
