Taasir Urdu News Network – MD ARSHAD 27 APRIL
خرطوم/ جدہ، 26 اپریل(ہ س)۔ تشدد زدہ سوڈان سے ہندوستانیوں کو نکالنے کے لیے شروع کیا گیا ہے۔ آپریشن کاویری جنگی بنیادوں پر جاری ہے۔ بدھ کو 135 ہندوستانیوں کا تیسرا قافلہ سوڈان سے سعودی عرب کے جدہ پہنچا۔ اس سے قبل 426 مسافروں کے دوقافلوں کو سوڈان سے پانی اور ہوا کے ذریعے نکالا جا چکا ہے۔سوڈان میں دونوں دھڑوں نے پیر کی رات سے 72 گھنٹے کی جنگ بندی پر اتفاق کیا ہے۔ اس موقع کا فائدہ اٹھاتے ہوئے حکومت ہند نے سوڈان میں پھنسے ہندوستانیوں کو نکالنے کے لیے آپریشن کاویری شروع کیا ہے۔ اس کے تحت ہندوستانیوں کو سوڈان سے پانی اور ہوا کے ذریعے بحفاظت نکالا جا رہا ہے۔بحریہ کا جہاز آئی این ایس سومیدھا 278 مسافروں کی پہلی کھیپ کے ساتھ سعودی عرب کی جدہ بندرگاہ پہنچ گیا۔ بذریعہ ہوا سے آئے 148 ہندوستانیوں کے دوسرے قافلے کے استقبال کے لئے جدہ میں خود ہندوستان کے وزیر مملکت برائے امور خارجہ وی مرلیدھرن موجود تھے۔ اس کے بعد 135 ہندوستانیوں کا تیسرا قافلہ بھی ہندوستانی فضائیہ کے خصوصی طیارے سے جدا پہنچا۔قبل ازیں، ہندوستان کے وزیر مملکت برائے امور خارجہ نے منگل کو جدہ کے انٹرنیشنل انڈین اسکول میں ٹرانزٹ سہولت کا معائنہ کیا۔ سوڈان سے نکالے گئے ہندوستانیوں کو اس اسکول میں رکھا جا رہا ہے۔ وزیر مملکت نے ٹویٹ کیا کہ انہوں نے جدہ کے انٹرنیشنل انڈین اسکول میں ٹرانزٹ سہولت کا معائنہ کیا جہاں سوڈان سے نکالے گئے ہندوستانیوں کو ہندوستان کے سفر سے قبل رسیو کیا جائے گا اور کچھ وقت کے لیے رکھا جائے گا۔ یہ اسکول مکمل طور پر رہنے کے سامان، تازہ کھانا، بیت الخلاء، طبی سہولیات، وائی فائی سے لیس ہے۔ یہاں 24 گھنٹے کام کرنے والا کنٹرول روم بھی ہے۔دارالحکومت خرطوم میں سوڈانی فوج اور نیم فوجی گروپوں کے درمیان لڑائی تیز ہونے کے بعد، وزیر خارجہ ایس جے شنکر نے پیر کو بتایا کہ ’’آپریشن کاویری‘‘ اپنے شہریوں کو تشدد زدہ سوڈان سے نکالنے کے لیے چلایا جا رہا ہے اور تقریباً 500 ہندوستانی پورٹ سوڈان ہوائی اڈے پہنچ چکے ہیں۔ ہندوستانی بحریہ کا آئی این ایس تیگ بھی منگل کو ’’آپریشن کاویری‘‘ میں شامل ہوا۔ وزارت خارجہ کے ایک سینئر افسر نے بتایا کہ جنگی جہاز منگل کو اضافی افسران اور پھنسے ہوئے ہندوستانیوں کے لیے ضروری امدادی سامان کے ساتھ پورٹ سوڈان پہنچا۔
