آئی پی ایل میں روہت شرما کیلئے ڈک آؤٹ ایک ڈراؤنا خواب

TAASIR NEWS NETWORK- SYED M HASSAN –6 MAY

نئی دہلی، 6 مئی:کپتان روہت شرما نے آئی پی ایل میں کئی بڑی کامیابیاں حاصل کی ہے، جبکہ ممبئی انڈینز کو 5 بار آئی پی ایل ٹرافی دلائی۔ روہت شرما کا نام ٹی ٹوئنٹی سے لے کر ون ڈے تک پوری دنیا میں چلتا ہے۔ لیکن روہت شرما کا بیٹ آئی پی ایل 2023 میں اتنا خاموش رہا کہ ہٹ مین کے شاندار آئی پی ایل کیریئر پر دھبہ لگ گیا ہے۔ روہت چنئی (CSK بمقابلہ MI) کے خلاف میچ میں لگاتار دوسری بار ڈک آؤٹ کا شکار ہو گئے ہیں۔پنجاب کے خلاف آخری میچ میں روہت شرما 3 گیندیں کھیلنے کے بعد پویلین لوٹ گئے۔ اس کے ساتھ ہی اب چنئی سپر کنگز کے خلاف میچ میں ہٹ مین نے اسی اننگز کو دہرادیا۔ جس کے بعد وہ آئی پی ایل میں سب سے زیادہ ڈک آؤٹ کا شکار ہونے والے بلے باز بن گئے ہیں۔ اس لیگ میں روہت شرما کل 16 بار آؤٹ ہوئے ہیں۔ اس کے ساتھ ہی سنیل نارائن، دنیش کارتک اور مندیپ سنگھ جیسے بلے باز 15 بار صفر پر آؤٹ ہو چکے ہیں۔ اس سیزن میں روہت شرما کے بلے سے 9 میچوں میں صرف ایک نصف سنچری کی اننگز دیکھنے کو ملی ہے۔