TAASIR NEWS NETWORK- SYED M HASSAN –29 MAY
ممبئی،29مئی (ایم ملک)کیارا اڈوانی اور کارتک آرین اسٹارر آنے والی فلم ‘ستیہ پریم کی کتھا’ کو لے کر مداحوں میں کافی چرچا ہے ۔ فلم کے حال ہی میں ریلیز ہونے والے گانے ‘نصیب سے ‘ نے بھی شائقین کی کافی توجہ حاصل کی ہے ۔ گانے میں کارتک اور کیارا کی رومانوی کیمسٹری خاص طور پر مداحوں کو پسند کی جارہی ہے ۔ گانے میں کارتک اور کیارا کا آن اسکرین رومانس ختم نہیں ہو رہا اور شاید یہی وجہ ہے کہ چند روز قبل ریلیز ہونے والے اس گانے کو تمام پلیٹ فارمز پر 53 ملین افراد دیکھ چکے ہیں۔یہ گانا نہ صرف اپنے ساتھ ایک بہترین رومانوی وائبس لے کر آیا ہے بلکہ محبت کے مختلف رنگ بھی چاروں طرف پھیلا دیا ہے ۔ کشمیر کی مسحور کن وادیوں میں فلمایا گیا، گانا کارتک آریان اور کیارا اڈوانی کی رومانوی کیمسٹری کو اسکرین پر واپس لایا ہے ۔ گانے کی موسیقی بھی لوگوں کے دلوں کو چھو لیتی ہے ۔ ایسے میں یہ گانا ہر سوشل میڈیا پلیٹ فارم پر چھایا ہوا ہے ۔ گانے کو تمام پلیٹ فارمز پر 53 ملین ویوز ملے ہیں۔ یہ گانا اس وقت ٹوئٹر اور یوٹیوب پر ٹرینڈ کر رہا ہے ۔ یہ گانا صرف 24 گھنٹوں میں دنیا بھر میں یوٹیوب پر سب سے زیادہ دیکھی جانے والی ویڈیو بن گیا ہے ۔اب چونکہ یہ فلم کا پہلا گانا ہے جسے شائقین کی جانب سے بہت زیادہ پیار مل رہا ہے اس لیے ہم کہہ سکتے ہیں کہ فلم کا البم یقینی طور پر سپر ہٹ ہونے کی ضمانت ہے ۔’ستیہ پریم کی کتھا’ این جی ای اور پکچرس نمہ کے درمیان بڑے تعاون کی نشاندہی کرتی ہے ۔ دلچسپ بات یہ ہے کہ ساجد ناڈیاڈوالا اور شرین منتری کیڈیا کے ساتھ کشور اروڑہ اور ہدایت کار سمیر ودوان اپنی فیچر فلموں کے لیے نیشنل ایوارڈ جیت چکے ہیں۔ ‘ستیہ پریم کی کتھا’ 29 جون 2023 کو سینما گھروں میں ریلیز ہوگی۔
