TAASIR NEWS NETWORK- SYED M HASSAN -13 JUNE
دمشق،13جون: شام کے شمال مشرقی علاقے میں ہیلی کاپٹر کیحادثے کے نتیجے میں امریکی فوج کے 22 اہلکار زخمی ہو گئے ہیں۔خبر رساں ادارے ‘ایسوسی ایٹڈ پریس’ کے مطابق امریکی فوج نے منگل کو ایک بیان میں کہا ہے کہ ہیلی کاپٹر کاحادثہ کسی دشمن کی کارروائی کا شاخسانہ نہیں ہے اور یہ کہ حادثے کی تحقیقات کی جا رہی ہیں۔فوج نے اپنیبیان میں مزید بتایا ہے کہ زخمی اہلکاروں کو طبی امداد دی جا رہی ہے جن میں سے 10 زخمیوں کو خطے سے باہر ‘اعلیٰ طبی تنصیبات’ میں منتقل کر دیا گیا ہے۔امریکہ کی حمایت یافتہ شامی کرد فورسز کے ترجمان نے ایسوسی ایٹڈ پریس کی جانب سے ہیلی کاپٹر کیحادثے پر تبصرے کی درخواست کا فوری طور پر کوئی جواب نہیں دیا۔واضح رہے کہ امریکی فوج داعش کے خلاف جاری جنگ میں کردوں کی سربراہی میں کام کرنے والی شامی ڈیموکریٹک فورسز کی معاونت کے لیے 2015 سے شام میں موجود ہے۔شام میں 2019 میں داعش کو شکست دے دی گئی تھی تاہم وہاں موجود سلیپر سیلز اب بھی خطرہ ہیں اور امریکی افواج جنگجو تنظیم کی واپسی کو روکنے کی کوششوں میں مصروف ہیں۔امریکی فوج نے رواں برس اپریل میں کی جانے والی دو مختلف کارروائیوں میں داعش کے سینئر رہنما کو ہلاک جب کہ حملوں کے سہولت کار کو گرفتار کیا تھا۔امریکی فوج کے مطابق ایک فضائی حملیمیں خالد عید احمد الجبوری مارا گیا تھا جو یورپ میں حملوں کی منصوبہ بندی کا ذمہ دار تھا جب کہ داعش کے حملوں کے سہولت کار حدیفہ ال یمنی کو دو ساتھیوں سمیت گرفتار کیا تھا۔اس وقت شام کے مختلف حراستی مراکز میں داعش کیلگ بھگ 10 ہزار جنگجو قید ہیں جب کہ ملک کے شمالی مشرقی علاقے میں قائم پناہ گاہوں میں جنگجوئوں کیخاندانوں کے ہزاروں افراد کو رکھا گیا ہے۔
