TAASIR NEWS NETWORK- SYED M HASSAN –16 JULY
سہسرام ( انجم ایڈوکیٹ ) آج مورخہ 16 جولائی 2023 کو روہتاس ضلع کانگریس کمیٹی کی میٹنگ روہتاس ضلع کانگریس کمیٹی کے دفتر اندرا گاندھی آشرم میں روہتاس ضلع کانگریس کمیٹی کے صدر کنہیا سنگھ کی صدارت میں منعقد ہوئی جسمیں مہمان خصوصی کے طور پر آل انڈیا کانگریس کمیٹی کی جانب سے ایل ڈی ایم انچارج ناصر حسین اور سہسرام لوک سبھا ایل ڈی ایم انچارج مدثر حسین اختر نے شرکت کی ۔ میٹنگ میں 2024 میں ہونے والے لوک سبھا انتخابات کے لئے ہر بوتھ پر پچیس کانگریسی کارکنوں کو تیار کیا جائیگا تاکہ سہسرام لوک سبھا سے کانگریس کی جیت کو یقینی بنایا جاسکے ۔ ضلع صدر نے بتایا کہ ہر بلاک صدر کو جلد از جلد پنچایت کمیٹی بنانے کی ہدایت دی گئی ہے تاکہ کانگریس کے پروگراموں کو پنچایتوں تک پہنچایا جا سکے ۔ اس میٹنگ میں بہار حکومت کے وزیر مراری پرساد گوتم، دھننجے کمار مہتا، جئے پرکاش پانڈے، رویندر دوبے، روی شنکر پاسوان، ڈاکٹر جاوید اختر، لوکیش ناتھ تیواری وغیرہم کے ساتھ دیگر شریک تھے ۔
