TAASIR NEWS NETWORK- SYED M HASSAN –17 JULY
نئی دہلی، 17جولائی: ایشیا کپ 2023 کی تاریخ طے ہو چکا ہے لیکن ابھی تک اس کا شیڈول سامنے نہیں آیا ہے۔ پاکستان کو ونڈے ٹورنامنٹ کی میزبانی مل گئی ہے۔ بی سی سی آئی اور پی سی بی کے درمیان وینیو کو لے کر کافی دیر تک تنازعہ چل رہا تھا۔ بی سی سی آئی نے ٹیم کو پاکستان بھیجنے سے انکار کر دیا۔ اس کے بعد پی سی بی نے ہائبرڈ ماڈل پیش کیا۔ اب اسی بنیاد پر میچ کھیلے جانے ہیں۔ 4 میچ پاکستان میں اور 9 میچ سری لنکا میں ہوں گے۔ ٹورنامنٹ کے میچ 31 اگست سے 17 ستمبر تک کھیلے جائیں گے۔ سری لنکن ٹیم ایشیا کپ کی دفاعی چمپئن ہے۔ اکتوبر، نومبر میں بھارت میں ہونے والے ورلڈ کپ سے قبل اس ٹورنامنٹ کو تیاری کے لحاظ سے اہم سمجھا جا رہا ہے۔ خبر کے مطابق گروپ راؤنڈ میں بھارت اور پاکستان 2 ستمبر آمنے سامنے ہو سکتے ہیں۔ ٹورنامنٹ کی بات کریں تو اس میں کل 6 ٹیمیں حصہ لے رہی ہیں۔ جس میں پاکستان اور بھارت کے علاوہ سری لنکا، بنگلہ دیش، افغانستان اور نیپال کی ٹیمیں شرکت کریں گی۔ 3-3 ٹیموں کے 2 گروپ بنائے جائیں گے۔ بھارت اور پاکستان کو ایک ہی گروپ میں رکھا گیا ہے۔ دونوں گروپوں کی ٹاپ 4 ٹیمیں سپر 4 میں جائیں گی۔ روہت شرما کی کپتانی میں سپر 4 میں ٹیم 10 ستمبر کو بابر اعظم کی ٹیم سے ٹکر سکتی ہے۔ دمبولا میں میچ کھیلے جا سکتے ہیں۔رپورٹس کے مطابق ایشیا کپ کا شیڈول 19 جولائی بروز بدھ کو جاری کیا جا سکتا ہے۔ اگر بھارت اور پاکستان فائنل میں پہنچتے ہیں تو دونوں 17 ستمبر کو ایک بار پھر آمنے سامنے ہوں گے۔ یعنی 15 دنوں میں دونوں کے درمیان 3 انکاؤنٹر دیکھے جا سکتے ہیں۔ ون ڈے ورلڈ کپ کی بات کریں تو بھارت اور پاکستان کے درمیان ہونے والے میچ میں ایک لاکھ سے زائد شائقین اسٹیڈیم پہنچ سکتے ہیں۔ یہ میچ احمد آباد کے دنیا کے سب سے بڑے نریندر مودی اسٹیڈیم میں کھیلا جانا ہے۔
