جنتا دربار میں ڈی ایم نے سنی لوگوں کے مسائل

TAASIR NEWS NETWORK- SYED M HASSAN -21 JULY

بہار شریف21 جولائی (محمد دانش) جنتا دربار میں ضلع مجسٹریٹ ششانک شوبھنکر نے آج 21 لوگوں کے مسائل سنے اور مسائل کے حل کے لیے متعلقہ افسران کو ضروری ہدایات دیں۔پردھان منتری آواس یوجنا (گرامین) کے فوائد حاصل کرنے کے لیے کچھ خواتین درخواست دہندگان کی طرف سے درخواست کی گئی تھی۔ ضلع مجسٹریٹ نے ڈپٹی ڈیولپمنٹ کمشنر کو قواعد کے مطابق کارروائی کرنے کی ہدایت دی۔دومختلف درخواست دہندگان نے ان کی زمین کو بدمعاشوں کے ذریعہ زبردستی کھیتی کے بارے میں بتایا۔ وہیں ضلع مجسٹریٹ نے ان معاملے میں کارروائی کے لیے سپرنٹنڈنٹ آف پولیس کو بھیج دیا۔ دیگر درخواستیں متعلقہ محکمہ کے افسران کو بھیجتے ہوئے معاملے کو حل کرنے کی ہدایت دی گئی۔