TAASIR NEWS NETWORK- SYED M HASSAN –24 JULY
گریز: 24 جولائی:
ڈیموکریٹک پروگریسو آزاد پارٹی (ڈی پی اے پی) کے چیئرمین غلام نبی آزاد نے سوموار کو جموں و کشمیر میں فوری طور پر انتخابات کا اعلان کرنے کا مطالبہ کرتے ہوئے کہا کہ لوگ اپنے اپنے علاقوں میں منتخب نمائندوں کی کمی کی وجہ سے مشکلات کا شکار ہیں۔ اپنے تین روزہ دورے کے پہلے دن سرحدی تحصیل گریز میں ایک بڑے اجتماع سے خطاب کرتے ہوئے آزاد نے کہا کہ جموں و کشمیر کی تمام بیماریوں کا واحد علاج انتخابات ہیں کیونکہ لوگ اپنے منتخب نمائندوں سے اپنی پریشانیوں کا ازالہ کرنا پسند کرتے ہیں جو گاو ¿ں یا محلہ کی سطح پر مقامی امنگوں سے واقف ہیں۔ 33 سال کے چوٹی کی ملی ٹنسی کے دور میں گریز کے لوگوں کے کردار کی تعریف کرتے ہوئے آزاد نے کہا کہ سرحدی علاقوں کے لوگ امن و سکون کو برقرار رکھنے کے لیے سیکورٹی فورسز کے ساتھ مل کر کام کر رہے ہیں۔ انہوں نے کہا ”سیکیورٹی فورسز کے علاوہ، گریز کے لوگ سرحدی علاقے کو ایک پرامن علاقہ بنانے کے لیے تعریف کے مستحق ہیں جہاں کبھی ملی ٹنسی کے قدم نہیں جمے تھے۔وزیر اعلیٰ کے طور پر اپنے ڈھائی سال کے دور کو یاد کرتے ہوئے آزاد نے کہا کہ اس عرصے کے دوران انہوں نے کبھی بھی مذہبی، ذات پات یا علاقائی بنیادوں پر کوئی امتیاز نہیں کیا بلکہ جموں و کشمیر کو ایک ماڈل ریاست کے طور پر ترقی دینے کی بھرپور کوشش کی۔ انہوں نے کہا’گرچہ میں نے بطور وزیراعلیٰ مختصر عرصہ گزارا تھا، لیکن میری توجہ صرف اور صرف غیر جانبدارانہ بنیادوں پر ترقی تھی کیونکہ میں کبھی بھی متعصبانہ سیاست یا پالیسیوں پر یقین نہیں رکھتا تھا۔ تمام خطوں کے ساتھ منصوبوں اور مختص کے لحاظ سے یکساں سلوک کیا گیا جس کی وجہ سے جموں کشمیر کی مجموعی ترقی ہوئی۔ سابق وزیر اعلیٰ نے ڈی پی اے پی کے نمائندوں کو منتخب کرنے پر گریز کے لوگوں سے سرحدی علاقے کی ترقی کے لیے ان کی نمائندگی کرنے پر تعاون طلب کیا۔ انہوں نے زور دے کر کہا، “اگر ڈی پی اے پی جموں و کشمیر پر حکومت کرنے کے لیے منتخب ہوائی تو بہت زیادہ ترقی کی ایک نئی شکل کا آغاز کرے گا جس میں واحد توجہ مجموعی طور پر روزگار، بنیادی ڈھانچہ (سڑکوں)، تعلیم (کالجوں) اور صحت (ہسپتال) کی اپ گریڈیشن پر ہوگی۔لوگوں کو یقین دلاتے ہوئے کہ ایک بار منتخب ہونے پر ڈی پی اے پی ان کی زمین، ملازمتوں اور وسائل پر مکمل حقوق کی ضمانت دے گا۔ آزاد نے زور دیا کہ وہ جموں و کشمیر کے ہر کونے میں پارٹی کے ترقی کے ایجنڈے پر عمل درآمد کو یقینی بنائیں گے۔ انہوں نے کہا، ”ڈی پی اے پی کا ترقیاتی ایجنڈا جموں و کشمیر کے لوگوں کو معلوم ہے کیونکہ حال ہی میں پارٹی دو مہینوں میں مظاہروں کے ذریعے راشن کوٹہ واپس حاصل کرنے میں کامیاب رہی ہے اور اس سے قبل ہمارے مظاہروں کے بعد انتظامیہ نے زمین کی جبری بے دخلی بھی روک دی تھی۔“ جموں و کشمیر میں سب کے درمیان اتحاد پر زور دیتے ہوئے، آزاد نے صاف ستھری شبیہ اور ٹریک ریکارڈ والے لوگوں کو منتخب کرنے کی ضرورت پر زور دیا کیونکہ جب مختلف سیاسی جماعتیں اقتدار میں آتی ہیں تو شاید ہی ان کے الفاظ کے مطابق ہوں۔ آزاد نے دلیل دی ”جموں و کشمیر کے لوگ ملی ٹنسی اور غلط حکمرانی کی وجہ سے کئی دہائیوں سے مصائب کا شکار ہیں اور وقت کی ضرورت مکمل ترقی ہے جو صرف ایک بار صاف اور غیرجانبدار نمائندوں کے منتخب ہونے کے بعد ممکن ہوگی۔“ قبل ازیں، چیئرمین ڈی پی اے پی کا ہر شعبہ ہائے زندگی سے تعلق رکھنے والے عوام نے استقبال کیا ۔نعرے بلند کرتے ہوئے حامیوں نے گریز میں آزاد کا استقبال کیا۔ اس موقعہ پر پارٹی کے صوبائی صدر محمد امین بٹ، شفیق شبنم صوبائی جنرل سیکرٹری اور ڈی پی اے پی کے سینئر رہنما نثار احمد لون اور دیگرلیڈروںنے بھی خطاب کیا۔
