TAASIR NEWS NETWORK- SYED M HASSAN -25 AUG
بنگلورو، 25 اگست: کرناٹک کے وزیر اعلی سدارامیا نے کہا کہ ریاستی حکومت سپریم کورٹ میں کاویری کا پانی چھوڑنے کے لئے تمل ناڈو حکومت کی طرف سے دائر عرضی پر بحث کرے گی۔سدارامیا نے کہا، “کرناٹک اس معاملے پر بحث کرے گا کیونکہ تمل ناڈو حکومت نے ایک درخواست دائر کرکے پانی چھوڑنے کی مانگ کی ہے۔ ہمارے موقف کے مطابق، تمل ناڈو حکومت کی طرف سے دائر درخواست قابل سماعت نہیں ہے کیونکہ سپریم کورٹ پہلے ہی 25 فروری 2018 کو تمل ناڈو اور کرناٹک کے درمیان کاویری آبی تنازعہ پر حتمی فیصلہ دے چکی ہے۔انہوں نے کہا کہ عام سال میں کرناٹک کو بلی گنڈلو سے 177.25 ٹی ایم سی پانی چھوڑنا چاہئے، لیکن بحران میں چھوڑے جانے والے پانی کی مقدار طے نہیں کی گئی ہے کیونکہ بحران کا فارمولہ متعین نہیں کیا گیا ہے۔قبل ازیں، انہوں نے کاویری ندی آبی تنازعہ پر بحث کے لیے بدھ کو یہاں منعقدہ ایک آل پارٹی میٹنگ کی صدارت کی۔ سپریم کورٹ میں اپنی تازہ درخواست میں، تمل ناڈو حکومت نے کرناٹک کو اپنے آبی ذخائر سے فوری طور پر 24,000 کیوبک فٹ فی سیکنڈ (کیوسک) پانی چھوڑنے کی ہدایت کی مانگ ہے۔