اتفاق رائے سے ریڈ کراس مینجمنٹ کمیٹی کا قیام عمل آیا،ڈاکٹر اے کلام تیسری بار چیئرمین منتخب

سہرسہ/29 اگست (سالک کوثرامام)انڈین ریڈ کراس سوسائٹی مینجمنٹ کمیٹی کے حال ہی میں ختم ہونے والے انتخابات کے بعد آج رزلٹ آؤٹ ہوگیا ہے جس میں ڈاکٹر اے کلام کو لگاتار تیسری بار چیئرمین منتخب کیا گیا۔ قبل ازیں ضلعی انتظامیہ کی زیر نگرانی مقامی آڈیٹوریم میں پیر کو ہونے والے انتخابات میں 13 انتظامی کمیٹیوں کے لیے کل 15 امیدوار میدان میں تھے۔ اس الیکشن کے ڈسٹرکٹ ڈپٹی الیکٹورل آفیسر اور الیکٹورل آفیسر ایلن اربیندا ڈین نے ریڈ کراس ممبران کے درمیان الیکشن کروایا۔ سب سے زیادہ اراکین کی حمایت حاصل کرنے والوں میں اے۔ کلام کو 379 ووٹ ملے، نوین نشانت کو 370 ووٹ ملے، پروفیسر رام جی پرساد کو 359، کشور کمار کو 355، سنجیو کمار سنگھ کو 332، رادھیشیام اگروال کو 328، ڈاکٹر محمد خورشید عالم کو 320، کوکب سلطانہ کو 310 ، محمد مقصود عالم خان کو 295 ، محمد فیروز عالم کو 291، سشیل جیسوال کو 273،محمد صلاح الدین کو 263 اور جگن ناتھ چودھری کو 129 ممبران کی حمایت حاصل ہوئی۔ انڈین ریڈ کراس سوسائٹی مینجمنٹ کمیٹی کے دو سابق ارکان کو سب سے کم حمایت ملنے کی وجہ سے 13 رکنی انتظامی کمیٹی سے باہر ہونا پڑا،وہیں منتخب ہونے والوں میں راجیش ورما کو 101 ارکان کی حمایت حاصل ہوئی اور سابق خزانچی اشوک چیتن کو صرف 61 ارکان کی حمایت حاصل ہوئی۔ اس عام انتخابات کے بعد ضلعی انتظامیہ کے افسران کی موجودگی میں منعقدہ انتظامی کمیٹی کے پہلے اجلاس میں ڈاکٹر اے کلام چیئرمین، وائس چیئرمین کے لیے سنجیو کمار سنگھ اور خزانچی کے عہدے کے لیے پروفیسر رام جی پرساد کو متفقہ طور پر منتخب کیا گیا۔ اس کے علاوہ بطور ڈیلیگیٹ ممبر محمد خورشید عالم اور محمد مقصود عالم خان کو منتخب کیا گیا۔ جبکہ چیئرمین ریاستی نمائندے کے طور پر برقرار رہیں گے۔