TAASIR NEWS NETWORK- SYED M HASSAN -07 SEPT
نئی دہلی ، 7ستمبر: آسٹریلیا کے لیجنڈری کھلاڑی مچل اسٹارک انڈین پریمیر لیگ میں واپسی کی تیاری کر رہے ہیں۔ اسٹارک آئی پی ایل 2024 نیلامی میں حصہ لے سکتے ہیں۔ ایک رپورٹ کے مطابق اسٹارک نے کہا ہے کہ اگر کوئی ٹیم انہیں نیلامی میں خریدتی ہے ،تو وہ یقینی طور پر آئی پی ایل 2024 میں کھیلیں گے۔ اگر اسٹارک واپسی کرتے ہیں تو وہ تقریباً 8 سال تک آئی پی ایل میں کھیلیں گے۔ وہ 2015 سے آئی پی ایل سے دور ہیں۔کرک انفو کی ایک خبر کے مطابق، اسٹارک نے کہاکہ تقریباً 8 سال ہو گئے ہیں۔ میں اگلے سال ضرور واپس آؤں گا۔ اس سے ٹی ٹوئنٹی ورلڈ کپ میں بھی مدد ملے گی۔ آئی پی ایل میں کھیلنا ایک اچھا موقع ہوگا اور اس کے بعد ٹی ٹوئنٹی ورلڈ کپ میں شرکت اہم ہوگی۔ میرے خیال میں یہ میرے لیے ایک اچھا موقع ہے۔اسٹارک نے آئی پی ایل میں اب تک 27 میچ کھیلے ہیں۔ اس دوران انہوں نے 34 وکٹیں حاصل کیں۔ اسٹارک کی اس ٹورنامنٹ میں بہترین کارکردگی 20 رنز کے عوض 4 وکٹیں حاصل کرنا ہے۔ انہوں نے اپنا آغاز 2014 میں کیا تھا اور آخری بار 2015 میں حصہ لیا تھا۔ اسٹارک رائل چیلنجرز بنگلور کے لیے کھیلتے رہے ہیں۔ لیکن اب وہ 8 سال بعد واپسی کریں گے۔ اس لیے ممکن ہے کہ آکشن میں ٹیم میں تبدیلی آئے۔اہم بات یہ ہے کہ اسٹارک آسٹریلیا کے تجربہ کار تیز گیند بازوں کی فہرست میں شامل ہیں۔ وہ اب تک کھیلے گئے 58 ٹی ٹوئنٹی انٹرنیشنل میچوں میں 73 وکٹیں لے چکے ہیں۔ انہوں نے 82 ٹیسٹ میچوں میں 333 وکٹیں حاصل کی ہیں۔ اسٹارک اس فارمیٹ میں 18 بار چار وکٹیں لے چکے ہیں۔ وہ 14 مرتبہ پانچ وکٹیں بھی لے چکے ہیں۔ اسٹارک نے 110 ون ڈے کھیلے ہیں۔ اس دوران 219 وکٹیں حاصل کی ہیں۔ ون ڈے میں ان کی بہترین کارکردگی 28 رنز کے عوض 6 وکٹیں حاصل کرنا ہے ۔