TAASIR NEWS NETWORK- SYED M HASSAN -09 SEPT
نئی دہلی ، 9ستمبر: ورلڈ کپ 2023 کا انعقاد ہندوستان میں ہونے جا رہا ہے۔ ٹیم انڈیا کو خطاب کا مضبوط دعویدار مانا جا رہا ہے۔ ہندوستانی ٹیم کے بعد خطاب کا دوسرا مضبوط دعویدار پاکستان ہے۔ اس وقت گرین ٹیم میں پانچ کھلاڑی ایسے ہیں، جو اکیلے ہی میچ کا رخ بدلنے میں ماہر ہیں۔اگر ہم پاکستان کے ان پانچ بڑے کھلاڑیوں کی بات کریں جو اس ٹیم کو دوسری ٹیموں سے خاص بناتے ہیں تو اس میں ٹاپ پر پہلا نام کپتان بابر اعظم کا ہے۔ بابر کا موازنہ اس وقت دنیا کے عظیم بلے بازوں میں کیا جاتا ہے۔28 سالہ اسٹار بلے باز خبر لکھنے تک پاکستان کے لئے کل 259 بین الاقوامی میچ کھیل چکے ہیں۔ اس دوران ان کے بلے سے 289 اننگز میں 12627 رنز بن چکے ہیں۔ بابر کے نام انٹرنیشنل کرکٹ میں 31 سنچریاں اور 84 نصف سنچریاں ہیں۔بابر کے بعد پاکستان ٹیم کو تیز گیند باز شاہین آفریدی خاص بناتے ہیں۔ 23 سالہ تیز گیند باز پاکستان کے لئے اب تک مجموعی طور پر 121 انٹرنیشنل میچ کھیل چکے ہیں۔ اس دوران انہوں 139 اننگز میں 252 کامیابیاں حاصل کی ہیں۔ تیسرے نمبر پر محمد رضوان کا نام آتا ہے۔ رضوان بلے اور وکٹ کے پیچھے دستانے کے ساتھ اپنی ٹیم کے لئے اہم کردار ادا کر رہے ہیں۔ 31 سالہ بلے باز پاکستان کے لئے اب تک مجموعی طور پر 176 بین الاقوامی میچ کھیل چکے ہیں۔ اس دوران ان کے بلے سے 174 اننگز میں 5825 رنز نکلے ہیں۔نوجوان تیز گیند باز نسیم شاہ چوتھے نمبر پر ہیں۔ آفریدی کی طرح شاہ کی گیندوں کو بھی ابتدائی اوورز میں کھیلنا کافی مشکل ہوتا ہے۔ 20 سالہ تیز گیند باز پاکستان کے لیے اب تک کل 49 بین الاقوامی میچ کھیل چکے ہیں۔ اس دوران ان کو 60 اننگز میں 98 کامیابیاں ملی ہیں۔پاکستانی ٹیم کو خاص بنانے والے پانچویں کھلاڑی تیز گیند باز حارث رؤف ہیں۔ رؤف اس خبر کے لکھے جانے تک گرین ٹیم کے لیے کل 90 انٹرنیشنل میچ کھیل چکے ہیں۔ اس دوران انہیں 88 اننگز میں 137 کامیابیاں ملی ہیں۔ بتادیں کہ اب تک پاکستانی ٹیم کو ایک مرتبہ ہی ورلڈ کپ خطاب اپنے نام کرنے کا موقع ملا ہے۔ گرین ٹیم نے 1992 میں عمران خان کی قیادت میں سبھی کو حیران کر دیا تھا اور خطاب پر قبضہ کیا تھا۔