TAASIR NEWS NETWORK- SYED M HASSAN –15 SEPT
لاہور، 14ستمبر: ایشیا کپ میں پاکستان کی حالت اچھی نہیں ہے۔ ان کی ٹیم کرو یا مرو کی صورتحال پر آ گئی ہے۔ سری لنکا کے خلاف میچ منسوخ ہونے کی صورت میں ایشیا کپ میں ان کا سفر بھی یہیں ختم ہو جاسکتا ہے ۔ پاکستان کے پیچھے ہونے کی وجہ بھی ٹیم انڈیا ہے، ان کا رن ریٹ صرف ہندوستان ٹیم کی وجہ سے اس وقت کافی خراب ہوگیا، جب انہیں ہندوستان سے 228 رنز سے کراری شکست کا منہ دیکھنا پڑا۔پاکستان کی اس خراب حالت سے سابق کرکٹر کامران اکمل بھی ناراض ہیں۔کامران اکمل نے اپنے یوٹیوب چینل پر کہا کہ اگر آپ ورلڈ کپ میں اچھی کارکردگی دکھانا چاہتے ہیں۔ ایشیا کپ کے فائنل میں جانا ہے۔ اگر آپ ایسا سوچتے ہیں تو آپ ہالینڈ کو بھی شکست نہیں دے پائیں گے۔ انتظامیہ کیا کر رہی ہے؟ آپ کو کس نے کہا کہ پہلے گیند بازی کرو؟ کم از کم کھلاڑیوں کو کریز پر رہنے کا مشورہ دیں۔ آپ کا رن ریٹ اتنا خراب ہے کہ آپ نے بنگلہ دیش کے خلاف تقریباً 190 رنز کا تعاقب 40 اوورز میں کیا۔اکمل نے مزید کہا کہ آپ کھلاڑیوں کو میدان پر میسیج بھیجئے، جس طرح شاداب، افتخار اور سلمان آؤٹ ہوئے، اس سے پہلے انہیں یہ بتانا چاہئے کہ وہ پورا اوور کھیلیں کم سے کم آپ اسکور 260۔ 280 تک تو لے کر جائیں، مجھے معلوم ہے کہ پی سی بی ان سے سوال نہیں کرتا، کسی کے پاس کوئی گیم پلان، کوئی اپروچ نہیں ہے۔ سب چھٹیاں منانے گئے ہیں۔ آپ ٹاپ کلاس ٹیم کے خلاف اسکول کے لڑکوں کی طرح کھیل رہے ہو۔سری لنکا اور پاکستان کے درمیان ایشیا کپ میں سپر 4 کا اہم میچ آج 14 ستمبر کو کولمبو میں کھیلا جا رہا ہے۔ یہ میچ جیتنے والی ٹیم یقینی طور پر فائنل میں ہندوستان سے ٹکرائے گی۔ اس میچ میں نسیم شاہ، حارث رؤف جیسے تجربہ کار گیند باز پاکستان کی جانب سے نہیں کھیلیں گے۔