TAASIR NEWS NETWORK UPDATED BY- S M HASSAN -01 OCT
نئی دہلی، یکم اکتوبر: دہلی کے ماحولیات، ترقی اور نظم و نسق کے وزیر گوپال رائے نے آتشزدگی کے واقعہ کے سلسلے میں اتوار کو افسران کے ساتھ آزاد پور منڈی کا دورہ کیا۔ انہوں نے کہا کہ معاملے کی تحقیقات کے احکامات دیے گئے ہیں۔ ابتدائی تحقیقات میں سامنے آنے والے حقائق اور یہاں کی تاجر تنظیموں کے مطالبات کو مدنظر رکھتے ہوئے ہم نے حکم دیا ہے کہ تباہ شدہ شیڈ کے تاجروں کو چند روز کے لیے دوسرے شیڈ میں منتقل کیا جائے اور شیڈ کی مرمت کا کام 45 روز میں مکمل کیا جائے۔ اسے مکمل کرنے کے لیے یہاں کے سیکریٹری کو ہدایات دی گئی ہیں۔
رائے نے بتایا کہ بازار کے شیڈ کے اندر فائر سسٹم لگانے کی بھی ہدایات دی گئی ہیں۔ اس موقع پر ڈیم ممبر اور آزاد پور منڈی کے سابق چیئرمین عادل احمد خان اور منڈی کے عہدیداران موجود تھے۔ وزیر رائے نے منڈی کے عہدیداروں کو ہدایت دی ہے کہ وہ آگ لگنے کے واقعات کو روکنے اور اس پر قابو پانے کے لیے ہر طرح کے اقدامات کریں، تاکہ آتشزدگی کے اس طرح کے واقعات کو روکا جاسکے۔ گوپال رائے نے بتایا کہ آگ لگنے کی وجہ یہ ہے کہ شیڈ کے قریب دیوار نیچی ہے اور وہاں کچرا جلنے کی وجہ سے شیڈ کے اندر آگ لگی۔ اس لیے ٹین شیڈ لگا کر اسے بلند کرنے کے احکامات دیے گئے ہیں۔
وزیر رائے نے کہا کہ یہاں کی تاجر تنظیموں کے مطالبے کو دیکھتے ہوئے ہم نے حکم دیا ہے کہ انہیں کچھ دنوں کے لیے دوسرے شیڈ میں منتقل کیا جائے، تاکہ ان کے کاروبار سے متعلق کام آسانی سے جاری رہے۔ واقعہ کے پیش نظر یہ بھی حکم دیا گیا ہے کہ آگ بجھانے سے متعلق اقدامات مقامی سطح پر کیے جائیں۔ تاکہ ایسے واقعات پر جلد قابو پایا جا سکے۔ اس کے علاوہ شیڈ کے اندر فائر سسٹم نصب کیا جائے۔