TAASIR NEWS NETWORK UPDATED BY- S M HASSAN -02 OCT
ہانگژو، 2 اکتوبر: ہندوستانی کینوئسٹ نیرج ورما پیر کو ہانگژو میں جاری ایشین گیمز میں مردوں کے کینو 1000 میٹر سنگلز ایونٹ کے فائنل میں ساتویں نمبر پر رہے۔نیرج نے 4:36.314 منٹ کا وقت لگایا اور ساتویں نمبر پر رہے۔ چائنیز تائپے کے کوان- چیہ لائی نے طلائی تمغہ (4:15.942 منٹ) کے ساتھ جیتا جبکہ ازبکستان کے ولاڈلین ڈینسوف (4:15.994 منٹ) اور قازقستان کے ٹیموفے یمیلیانوف (4:18.810 منٹ) نے بالترتیب چاندی اور کانسہ کا تمغہ حاصل کیا۔مردوں کے 1000 میٹر سنگل کینوئنگ ایونٹ کے سیمی فائنل میں، نیرج نے 4:31.626 منٹ کا وقت لگا کر فائنل کے لیے کوالیفائی کیا تھا۔خواتین کے کینو 500 میٹر ڈبل مقابلے کے بارے میں بات کریں تو ہندوستان 2:17.614 منٹ کے وقت کے ساتھ نویں اور آخری نمبر پر رہا۔ سونے کا تمغہ چین (2:01.409 منٹ)، چاندی کا تمغہ قازقستان (2:08.125 منٹ) اور کانسہ کا تمغہ تھائی لینڈ (2:08.257 منٹ) کے حصے میں آیا۔ خواتین کی ڈبلز ٹیم میگھا پردیپ اور شیوانی ورما پر مشتمل تھی۔
خواتین کے کینو 500 میٹر ڈبلز ایونٹ کے سیمی فائنل میں میگھا اور شیوانی 1:57.225 منٹ کے وقت کے ساتھ فائنل میں پہنچیں۔
ہندوستان خواتین کے کیاک ڈبلز 500 میٹر فائنل میں بھی 2:07.440 منٹ کے وقت کے ساتھ آخری نمبر پر رہا۔ سونے کا تمغہ چین نے (1:49.944 منٹ)، چاندی کا تمغہ قازقستان نے (1:51.251 منٹ) اور کانسے کا تمغہ ازبکستان نے (1:52.832 منٹ) حاصل کیا۔ ڈبلز کیاک ٹیم میں بنیتا چانو اور گیتا پاروتی شامل تھیں۔
خواتین کے 500 میٹر کیاک ڈبل ایونٹ کے سیمی فائنل میں، بنیتا اور گیتا 2:07.036 منٹ کے وقت کے ساتھ دوسرے نمبر پر رہیں اور فائنل تک پہنچنے والی ٹاپ تین ٹیموں میں شامل تھیں۔
اس سے قبل، ہندوستانی کینوئسٹ سونیا دیوی فائرمبم نے اتوار کو جاری ایشین گیمز میں خواتین کے کیاک سنگل 500 میٹر فائنل میں اپنی جگہ پکی کی۔
2 منٹ اور 16.435 سیکنڈ کے وقت کے ساتھ، وہ سیمی فائنل میں ازبکستان کی مدینہ خون اشرفکسونووا (2:11.352) کے پیچھے دوسرے نمبر پر رہیں اور فائنل تک پہنچنے والی ٹاپ تین میں شامل تھیں۔ فائنل بدھ کو ہوگا۔
ایشین گیمز میں کینوئنگ ایونٹس 30 ستمبر سے 7 اکتوبر تک منعقد ہوں گے۔ سپرنٹ ایونٹس 30 ستمبر سے 3 اکتوبر تک ہوں گے جبکہ سلیلم ریس 5 اکتوبر سے 7 اکتوبر تک ہوں گی۔