تاثیر،۷ اکتوبر۲۰۲۳:- ایس -ایم-حسن
کینن سٹی، 7 اکتوبر: امریکی ریاست کولوراڈو میں گرین فیونرل ہوم سے 115 لاشیں ملنے سے سنسنی پھیل گئی ہے۔ پولیس نے جمعہ کو کہا کہ لاشوں کو غلط طریقے سے ٹھکانے لگانے کی جانچ کی جا رہی ہے۔
فریمونٹ کاونٹی شیرف ایلن کوپر نے کہا کہ تفتیش میں یہ جاننے کی کوشش کی جا رہی ہے کہ ا?یا کچھ غلط ہوا یا کوئی سنگین لاپرواہی کی گئی ہے۔ کولوراڈو کے پینروز میں ریٹرن ٹو نیچر فیونرل ہوم میں لاشوں کی گرین فیونرل بغیر کیمیکل اور تابوت کیکیا جاتا ہے۔ یہاں جانچ فیونرل ہوم والی ایک عمارت پر مرکوز ہے، جہاں مقامی باشندوں نے پولیس کو بدبو کی اطلاع دی۔ پولیس اہلکاروں کو عمارت میں بلایا گیا تھا۔
جب فریمونٹ کاونٹی شیرف دفتر کے افسران سرچ وارنٹ لے کر پہنچے تو انہیں غلط طریقے سے ذخیرہ شدہ باقیات ملے۔ عہدیداروں نے ایک پریس کانفرنس میں کہا کہ ان کا ماننا ہے کہ فی الحال صحت عامہ کو کوئی خطرہ نہیں ہے۔ایف بی آئی کے ترجمان وکی میگویا نے کہا کہ یہ واضح نہیں ہے کہ آیا کوئی جرم سرزد ہوا ہے، انہوں نے مزید کہا کہ اس کی تفتیش جاری ہے۔ کوپر نے کہا کہ تفتیش کار گرین فیونرل ہوم چلانے والوں سے رابطے میں ہیں اور وہ تعاون کر رہے ہیں۔ پینروز شہر میں تقریباً 3000 لوگ رہتے ہیں۔بتادیں کہ کولوراڈو کے قانون کے تحت، گرین فیونرل قانونی ہے، لیکن ریاستی ضابطہ کے مطابق ضروری ہے کہ 24 گھنٹے کے اندر دفن نہیں کئے گئے کسی بھی لاش کو مناسب طریقے سے رکھا جانا چاہیے۔
73 سالہ جوائس پاویٹی، جن کی چھت سے شمشان گھاٹ نظر آتا ہے، نے کہا کہ اس نے پچھلے چند ہفتوں میں ایک سڑی ہوئی بو محسوس کی ہے۔ انہوں نے کہا کہ ہم نے اندازہ لگایا تھا کہ کوئی جانور مر گیا ہے۔
ریکارڈ کے مطابق ریٹرن ٹو نیچر کی بنیاد چھ سال قبل کولوراڈو اسپرنگس میں رکھی گئی تھی۔ کمپنی کی ویب سائٹ کے مطابق، ریٹرن ٹو نیچر فیونرل ہوم میت کو بائیو ڈیگریڈیبل تابوت، کفن میں یا بغیر کچھ ڈالے دفنانے کی سہولت فراہم کرتا ہے۔