تاثیر،۷ اکتوبر۲۰۲۳:- ایس -ایم-حسن
کنگنا رناوت اسٹارر ‘تیجس’ ہندوستانی سنیما کی سب سے زیادہ انتظار کی جانے والی فلم ہے۔ کنگنا ایک بار پھر فلم میں ایکشن اور انٹینس اوتارمیں واپس آ رہی ہیں۔ حال ہی میں ریلیز ہونے والے ٹیزر کو سوشل میڈیا پر مداحوں اور ناظرین کی جانب سے زبردست ردعمل ملا۔ ٹیزر میں کنگنا کے طاقتور اوتار کو دیکھ کر ہر کوئی حیران ہے۔ ٹیزر کے علاوہ ڈائیلاگ اور ٹیگ لائن کو بھی سراہا جا رہا ہے۔
شائقین کو حیران کرتے ہوئے فلمسازوں نے جوک باکس لانچ کیا ہے جس سے ہر کوئی خوش ہے۔ ٹیزر نے پہلے ہی سوشل میڈیا پر دھوم مچا رکھی ہے۔ جوک باکس ایکشن سے بھرپور اور حب الوطنی کے گانوں کا ایک خوبصورت امتزاج ہے، جو یوٹیوب سمیت مقبول پلیٹ فارمز پر خصوصی طور پر دستیاب ہے۔ شائقین فلم کے ساؤنڈ ٹریک سے لطف اندوز ہوسکتے ہیں۔
فلم جہاں حب الوطنی کے موضوع پر مبنی ہے، وہیں فلم کے گانے تھیم کے ساتھ انصاف کرتے ہیں۔ ٹیزر کی طرح جیوک باکس بھی ہر کسی میں حب الوطنی کا جذبہ بیدار کرے گا۔ آر ایس وی پی کی تیار کردہ ‘تیجس’ میں کنگنا رناوت مرکزی کردار میں ہیں۔ سرویش میواڈا کی تحریر، ہدایت کاری اور رونی اسکرو والا کی پروڈیوس کردہ، یہ فلم 27 اکتوبر کو سینما گھروں میں ریلیز ہونے والی ہے۔