تاثیر،۱۰ اکتوبر۲۰۲۳:- ایس -ایم- حسن
کٹرینہ کیف نے ٹائیگر 3 میں زویا کا کردار ادا کیا ہے۔ جو وائی آر ایف اسپائی یونیورس کی پہلی خاتون جاسوس کا کردار ہے۔ فلم میں وہ لڑائی یا حکمت عملی میں ٹائیگر عرف سلمان خان کی برابری کرتی ہیں۔ ایک تھا ٹائیگر اور ٹائیگر زندہ ہے میں کٹرینہ کے زویا کے کردار کو کافی پذیرائی ملی ہے۔ انہوں نے دکھایا ہے کہ وہ اپنے طور پر ناقابل یقین ایکشن سیکوئنس کر سکتی ہیں ۔
یش راج فلمز نے منگل کو زویا کے طور پر کٹرینہ کے سولو پوسٹر کی نقاب کشائی کی۔ اس موقع پر لوگوں نے ان کی اداکاری کو خوب سراہا۔ لوگوں کا کہنا ہے کہ ٹائیگر -ورس کٹرینہ کیف کے علاوہ کوئی اور زویا کا کردار ادا نہیں کر سکتا۔
اس موقع پر کٹرینہ نے انکشاف کیا کہ انہوں نے ٹائیگر 3 کے جسمانی طور پر چیلنجنگ ایکشن سیکوئنس کو ادا کرنے کے لیے اپنے جسم کو ‘بریکنگ پوائنٹ’ پر دھکیل دیا۔ کٹرینہ کہتی ہیں،’زویا وائی آر ایف اسپائی یونیورس کی پہلی خاتون جاسوس ہیں اور مجھے ان جیسا کردار حاصل ہونے پر بہت فخر ہے۔ وہ سخت ہے، وہ بہادر ہے، وہ پوری طرح سے وقف ہے، وفادار ہے اور سب سے بڑھ کر وہ ہر وقت انسانیت کے لیے کھڑی رہتی ہے۔
انہوں نے کہا،’’وائی آر ایف اسپائی یونیورس میں زویا کا کردار ادا کرنا ایک ناقابل یقین سفر رہا ہے اور میں نے ہر فلم میں خود کو آزمایا ہے۔ ٹائیگر- 3 بھی اس سے مستثنیٰ نہیں ہے۔ ہم اس بار ایکشن سیکوئنس کو اگلے لیول پر لے جانا چاہتے تھے اور میں نے فلم کے لئے اپنے جسم کوتیار کیا۔ جسمانی طور پر، یہ میری اب تک کی سب سے چیلنجنگ فلم رہی ہے۔ ایکشن کرنا ہمیشہ ہی پرجوش ہوتا ہے اور میں ہمیشہ ایکشن جانر کی مداح رہی ہوں، اس لیے زویا کا کردار ادا کرنا میرے لیے ایک بہت اچھا تجربہ تھا۔ یہ ایک خواب کے سچ ہونے جیسا ہے۔ مضبوط، بہادر، بدمعاش اور کوئی روک ٹوک نہیں۔ میں لوگوں کے ردعمل کی منتظر ہوں جب وہ زویا کو اسکرین پر دیکھیں گے۔ وہ ٹائیگر کی این ٹو یانگ ہے۔‘‘
فلم ٹائیگر 3 کو آدتیہ چوپڑا نے پروڈیوس کیا ہے اور اس کے ہدایت کار منیش شرما ہیں۔ فلم اس سال دیوالی کی تعطیلات کے دوران ریلیز ہوگی۔